असार ६ देखि १२ गतेसम्मको राशिफल

- रामप्रसाद सिटौला (फलित ज्योतिष)

असार ६, २०७६

असार ६ गते : विश्व संगीत दिवस, सबैभन्दा लामो दिन । 

असार ११ गते  : अन्तर्राष्ट्रिय लागूपदार्थ तथा अवैध तस्करीविरुद्ध दिवस । 

                    

                

मेष

प्रतिस्पर्धामा सफलता हात पर्नेछ । साथीभाइहरूले सहयोग गर्न तत्परता देखाउने समय आएको छ । मान्यजनहरूको सहयोगमा सहजै लक्ष्यमा पुगिनेछ । नयाँ मित्रहरूले अनुचित फाइदा उठाउने प्रयास गर्न सक्छन् । चिसोसम्बन्धी समस्याले सताउने योग छ ।   

वृष

व्यवसायबाट पर्याप्त लाभ लिन सकिनेछ । कामको सिलसिलामा रातो तथा पहेंलो रंगको प्रयोग कमै प्रयोग गर्नुहोला । साथीहरूसँग नयँ स्थानको भ्रमण हुन सक्छ । प्रतियोगितात्मक क्रियाकलापमा पुरस्कृत हुने सम्भावना छ । स्वास्थ्यमा सामान्य गडबडी देखा पर्न सक्छ । सोमबार तथा बुधबार महत्वपूर्ण कार्य सम्पन्न हुनेछन । 

मिथुन 

सामाजिक कार्यको नेतृत्व गर्दा परिवारकै प्रतिष्ठा वृद्धि हुनेछ । बोलीको मधुरताका कारण विशिष्ट व्यक्तिहरूबाट यथेष्ट सहयोग पाइनेछ । सानातिना काममा अलमलिँदा महत्वपूर्ण काम छुट्न सक्छन् । आफ्नो प्रयासलाई तीव्रता दिन सके अपेक्षाअनुरुप सफलता हात लाग्नेछ । याक्रा गर्दा स्वास्थ्यको ख्याल राख्नुहोला । 

कर्कट 

जुत्ति बुद्धि तथा कलाकौशल देखाएर प्रशंसकहरू बटुलिनेछ । केही दिनको अन्तरमा मन पराउनेसँग भेट हुँदा मनका बह पोखिनेछन् । रोजगारी प्राप्त हुने सम्भावना छ । परोपकारी कार्यमा त्यति मन जाने छैन । खर्चको मात्र बढे पनि थुप्रै आवश्यकता पूरा हुनेछन् । 

सिंह 

परोपकारमा रुचि बढ्नेछ । स–साना उपहारसमेत प्राप्त हुने देखिन्छ । मित्रहरूबाट हौसला प्राप्त होला । आफूसँग भएको क्षमता प्रर्दशन गर्ने अवसर जुट्नेछ । अधुरा कार्य सम्पन्न हुनेछन् । यात्राको सिलसिलामा पूण्य आर्जन समेत हुनसक्छ । वातावरण सहज बनाउन अपेक्षाभन्दा बढी खर्च गर्नुपर्ला । 

कन्या 

यात्राले आकस्मिक लाभ दिलाउनेछ । तपाईंको मेहनत एवं लगनशीलताले प्रतिष्ठा दिलाउनेछ । गरिब तथा असाहयहरूलाई गरिएको सहयोगले प्रशंसा पाउला । टाढिएका मित्रहरूले विश्वास गर्ने वातावरण बन्दैछ । मित्रहरूले दिएको महत्वपूर्ण जिम्मेवारी धैर्यपूर्वक सम्पन्न गर्नु होला । 

तुला 

तालिम, प्रतियोगिताजस्ता कार्यक्रममा सहभागी हुने वातावरण बन्दैछ, जसले तपाईंमा थप निखार ल्याउनेछ । रोजगारीका लागि नयाँ क्षेत्रको ढोका खुला हुनेछ । सामाजिक कार्यमा खर्चिएको समयले विदेश भ्रमणको अवसर जुराउन सक्छ । मौसमअनुरूप खानपानमा ध्यान दिनुहोला । चन्द्रमाको आराधनाले व्यवसायलाई थप उचाइमा पुर्‍याउनेछ । 

वृश्चिक 

नयाँ क्षेत्रमा पद बहाल गर्ने अवसर जुट्न सक्छ । स–साना त्रुटिका कारण उत्कृष्ट हुनबाट पछि परिएला । सरकारी तवरबाट विशेष कार्य गर्ने अवसर मिल्न सक्छ । कालो रंगको पहिरन फाप्ने देखिँदैन । मन मिल्ने साथीसँग खुसी साट्न पाउँदा आफूमा सकारात्मक ऊर्जा सञ्चार हुनेछ । 

धनु 

विपरित लिंगीसँगको खटपटमा साथीहरूले महत्वपूर्ण भूमिका निर्वाह गरी विवाद मत्थर तुल्याउनेछन् । प्रेमी–प्रेमिकाको सुझावको समर्थन गर्दा प्रेम अझ प्रगाढ हुनेछ । उत्ताउलोपनले परिणाममुखी कार्य सम्पन्न गर्न ढिलाइ हुन सक्छ । नगद सापटी लिएका साथीहरूले आर्थिक समस्यामा पार्न सक्छन् । सवारी साधन चलाउँदा संयम अपनाउनुहोला । 

मकर 

स्थान परिर्वतन गरी थालिएका व्यवसायले अपेक्षाभन्दा बढी मुनाफा दिनेछ । विदेशी साथी तथा अभिभावकको सहयोगबाट विभिन्न समस्याको समाधान खोज्न सकिनेछ । नयाँ तथा महत्वपूर्ण योजना तर्जुमा गर्न समय खर्चनुपर्नेछ । सामाजिक उत्सवमा सरिक हुँदा आर्थिक सहयोग प्रदान गर्न कन्जुस्याइँ नगर्नु होला ।

कुम्भ 

प्रेम सम्बन्धमा ढिलो निर्णय गर्दा विशेष फाइदा हुनेछ । करियर निर्माण तथा धन आर्जनका लागि  समय उपयुक्त छ । पैतृक सम्पत्तिको उपयोगबाट थप फाइदा उठाउन सकिनेछ । अर्काको देखासिकी गर्दा व्यवसायिक काम पनि ओझेलमा पर्न सक्छ । मनेरञ्जनमा सामेल हुँदा समय तथा स्वास्थ्यको ख्याल गर्नुहोला ।

मीन 

आफ्नो नामबाट अरूले नै फाइदा उठाउन सक्छन् । सोमबारपछि परिवारजनसँग टाढाको यात्रा होला । व्यवसायको सिलसिलामा अन्य मुलुकको यात्रा गर्नुपर्ने हुनसक्छ । चिरपरिचित मित्रहरूलाई आर्थिक सहयोगको वचन नदिनुहोला । रचनात्मक कार्यका कारण गर्दा अपजस स्वतः टरेर जानेछ । 

 

प्रकाशित :असार ६, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्