शिल्पासँग बिहे भएको छवि ओझाले स्वीकारे

- साप्ताहिक संवाददाता

वैशाख २९, २०७६

 

अभिनेत्री रेखा थापासँग तेस्रो बैबाहिक सम्बन्ध टुंग्याएपछि एक्लो जीवन विताइरहेका निर्माता छविराज ओझाले अभिनेत्री शिल्पा पोखरेलसँग बिबाह भएको स्विकार गरेका छन् ।

५ वर्षअघि आफैले निर्माण गरेको चलचित्र लज्जाबाट डेब्यू गरेकी अभिनेत्री पोखरेल र छवि केहिबर्षदेखि गहिरो प्रेमसम्बन्धमा थिए । केहि हप्ताअघिदेखि निरन्तर मिडियामा उनिहरुले सुटुक्क बिहे भएको खबर आएपछि छविले यो कुरा स्विकार गरेको बताइन्छ ।

५ बर्षदेखि लिभ इन टुगेदरमा रहेका उनिहरुले अहिलेसम्म बिहे भएको बताएका थिएनन् । हालै एक अन्तरवार्तामा ओझाले आफुहरु श्रीमान–श्रीमती भएको बताएका छन् । उनले भने, ‘मैले शिल्पा जीसँग ५ वर्ष अघि बिहे गरिसकेको थिएँ । किनभने, उहाँसँग मेरो ५ वर्ष अगाडी निर्माण भएको चलचित्र ‘लज्जा’ को बेला भेट भएको थियो, त्यसबेलादेखि हामी सँगै छौं ।’ 

शिल्पाकै कारण उनिहरुको बिहेको खबर बाहिर आउन नसकेको श्रोत बताउँछ । श्रोतका अनुसार उनिहरुले काठमाण्डौं नजिकैको एक रिसोर्टमा दुई परिवारको सहमतीमा केहिबर्षअघि बिहे गरेका थिए ।

 

प्रकाशित :वैशाख २९, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्