बन्ने भयो भूँइफूल

- साप्ताहिक संवाददाता

वैशाख २३, २०७६

भुमेथान फिल्म प्रोडक्सन प्रालीको ब्यानरमा चलचित्र ‘भूइफूल’ निर्माण हुने भएको छ । आइतबार हेल्लो क्याफे बागबजारमा चलचित्र ‘भूइफूल’को शुभमुर्हूत गरिएको छ । 

चलचित्र क्षेत्रकी सदाबहार अभिनेत्री करिष्मा मानन्धरले एक्सन कट भनेको मुर्हूत कार्यक्रममा नृत्य निर्देशक गोबिन्द राईले क्ल्याप पड्काएका थिए, भने चलचित्र पत्रकार संघका अध्यक्ष सन्दिप सापकोटाले नरिवल फुटाएका थिए । कलाकार गोविन्द प्रभात, दिपेन्द्र सिंह दर्नाल, तुलसा थापा लगायतले चलचित्र भित्र रहने एक दृश्य सम्वाद सहित प्रस्तुत गर्दै मूर्हूत सट दिएका थिए ।

नेत्र सन्त्यालको लेखन निर्देशनमा बन्न लागेको फिल्मको प्रस्तुतकर्ता सरिता राइ हुन् । फिल्मका निर्माता उर्मिला वान्तवा राई रहेकी छन् । गोविन्द प्रभात, नरेन खड्का, दीपेन्द्र सिंह दर्नाल, तुलसा थापा, चन्दा राई, पुर्णिमा लामा लगायतको मुख्य अभिनय फिल्ममा रहनेछ । 

द्धन्द्ध कालमा विस्थापित भएर मधेसमा बसोबास गर्न आइपुगेका बिभिन्न समुदाय मध्य दलित समुदायमा हुने उतारचढाप तथा राज्यले गरेको बिभेदको बिषय फिल्मले कथामा उठाउन खोजेको छ । वैशाख २५ बाट छायााकन सुरु हुने फिल्म धरान, झापा र काठमाडौमा छायााकन हुनेछ ।

फिल्ममा रामेश्वर हुमागाइको छायााकन, गोविन्द प्रभातको नृत्य निर्देशन, रमेश खड्काको संगीत, गणेश सुवेदीका गीत रहने फिल्मका कास्टिङ निर्देशक अमृत मान महर्जन रहेका छन् ।

थुप्रै फिल्ममा सहयोगी निर्देशकको रुपमा काम गरेका नेत्र सन्त्यालले यसै फिल्मबाट निर्देशनमा डेब्यु गर्न लागेका हुन् । दर्शक तथा समिक्षकको रुचि ध्यानमा राखेर आफुले फिल्म बनाउन लागेको निर्देशक सन्त्यालले बताए ।

कार्यक्रममा अभिनेत्री करिष्मा मानन्धरले फिल्मले उठाउन खोजेको बिषयबस्तु मन परेको बताइन् । उनले फिल्मको कथाबस्तु मनपरेकोले मूर्हूत कार्यक्रममा आफु सहभागी भएको बताउदै फिल्मको प्रिमिएरमा पनि बोलाउन अनुरोध गरिन् । 

प्रकाशित :वैशाख २३, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्