सपनाको देश बनाउँदै माओत्से

- साप्ताहिक संवाददाता

फाल्गुन ३०, २०७५

निर्देशक माओत्से गुरुङ्ग नयाँ चलचित्रको तयारीमा छन् । उनले यस पटक नयाँ विषयबस्तु समेटेर ‘सपनाको देश’ नामक चलचित्र बनाउने भएका हुन् । उक्त चलचित्रले पछिल्लो समय धेरैजसो श्रम बजारमा वेचिने नेपालीहरुको कथा उठान गर्ने बताईएको छ । 

तर, निर्देशक गुरुङ्गले भने राम्रो अवसरको लागि अमेरीका पुगेका नेपालीहरुको कथा ‘सपनाको देश’ चलचित्र मार्फत पर्दामा उतार्ने तयारी गरेको बताएका छन् ।

ड्रिम्स गेट फिल्मको ब्यानरमा बन्न लागेको यो चलचित्र नेपाल र अमेरिकामा छायांकन हुनेछ । चलचित्रको २५ प्रतिशत छायांकन नेपाल र बाँकी अमेरिकामा हुने निर्देशक गुरुङले जानकारी दिए । 

करिब ८० लाख लगानीमा बन्न लागेको यो चलचित्रमा बाबु बोगटी, एन्सर्ज गुरुङ, मिरा गुरुङ, आइतराम गुरुङ लगायतका कलाकारले अभिनय गर्ने छन् । देव गुरुङको निर्माण र एन्सर्ज गुरुङले लेखेको यो चलचित्रमा अमेरिकामा पुगेपछि भोग्नुपर्ने कठिनाईहरुलाई कथावस्तु बनाइएको छ ।

चलचित्रको छायांकन शम्भु मोक्तानले गर्ने भएका छन् । 

प्रकाशित :फाल्गुन ३०, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्