मन्जु र सुरेनको सोल्टीनी सार्वजनिक

- साप्ताहिक संवाददाता

माघ २४, २०७५

लोकदोहोरी गायिका मन्जु वि.क र गायक सुरेन घताङ्गको नयाँ कौरा गीत ‘सोल्टीनी’ सार्वजनिक भएको छ । सोमबार पोखरामा एक कार्यक्रमबीच गण्डकी प्रदेशकी उपसभामुख सृजना शर्माले उक्त गीतको म्युजिक भिडियो सार्वजनिक गरेकी हुन् । 

ओम फाउण्डेशन नेपाल कास्कीले आयोजना गरेको कार्यक्रमको उद्घाटन गर्दै उपसभामुख शर्माले लोक संस्कृतिको सम्बद्र्धन विकासका निम्ती प्रदेश सरकारको कानुनमै पारित गरिने बताईन् । ‘सोल्टीनी’ गीतमा प्रकाश भट्टको निर्देशन रहेको छ भने संगीत संयोजन भरत सुनारले गरेका छन् ।

गीतको छायाँकन स्याङ्जाको पित्लेक आरुपाटमा गरिएको हो । राजेश घिमिरेले छायाँकन गरेको गीतको म्युजिक भिडियोमा सुरेन घताङ्गसँगै सरिष्मा मगरको अभिनय छ । म्युजिक भिडियोलाई सुरेन घताङ्गको आफ्नै अफिसियल युट्युबमार्फत सार्वजनिक गरिएको छ । 

कार्यक्रममा लोक संस्कृतिको संरक्षणमा योगदान गरेबापत संस्कृतिकर्मी बुद्धिमान दुरा (धम्पु) र फोटो पत्रकारितामार्फत संस्थाको हरेक गतिविधिमा सहयोग पुर्‍याउने मनलाल गुरुङ (मणी सरब्जा) लाई सम्मान गरिएको थियो । कार्यक्रममा प्राध्यापक डाक्टर दिल बहादुर क्षेत्रीले आधुनिक शैली आएपनि मौलिकता बिर्सन नहुने र यो सधैँ कायम रहिरहनुपर्ने बताए ।

वरिष्ठ लोक गायिका एवं सञ्चारकर्मी शान्ति गुरुङ्गले कलाकारको परिचय गराउँदै गीतको समीक्षा गरिन् । सार्वजनिक भएको ‘सोल्टीनी’ कौरा गीतका लय शब्द संकलक भरत सुनारलाई समेत सम्मान गरिएको थियो । कलाकारद्वय मन्जु वि.क र सुरेन घताङ्गले कौरा गीत प्रस्तुत गरी दर्शकलाई नँचाएका थिए ।

भिडियो हेर्नुस्

प्रकाशित :माघ २४, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्