सर्वाधिक कमाइ  गर्ने मोडलहरू

- रोजिन शाक्य

माघ १, २०७५

 

केन्डल जेनर

वर्ष २०१६ मा फोब्र्सको सर्वाधिक कमाइ गर्ने मोडलहरूको सूचीको तेस्रो स्थानमा रहँदा सुपर मोडल केन्डल जेनरको कमाइ १० करोड अमेरिकी डलर थियो । गत वर्ष उनको कमाइ दुई गुणाभन्दा बढी हुँदै २ करोड २० लाख अमेरिकी डलर पुगेको थियो । यो वर्ष उनको कमाइ २ करोड २५ लाख अमेरिकी डलर पुगेको छ । यो कमाइलले केन्डललाई सर्वाधिक कमाइ गर्ने मोडलहरूको सूचीको पहिलो स्थानमा उभ्याएको छ । २३ वर्षीया केन्डलको आबद्धता कस्मेटिक ब्रान्ड एस्टी लाउडर, स्र्पार्ट्स वेयर ब्रान्ड एडिडास तथा क्याल्भिन क्लाइन जस्ता ब्रान्डसँग छ । 

कार्ली क्लस

वर्ष २०१६ मा फोब्र्स पत्रिकाको वर्ष २०१६ को सर्वाधिक कमाइ गर्ने मोडलहरूको सूचीमा तेस्रो स्थानमा रहँदा कार्ली क्लसको कमाइ १ करोड अमेरिकी डलर थियो भने गत वर्ष त्यो ९० लाख अमेरिकी डलरमा झरेको थियो, जसले गर्दा उनी गत वर्षको सूचीमा सातौं स्थानमा थिइन् । यो वर्ष उनको कमाइ ह्वात्तै बढेर १ करोड ३० लाख अमेरिकी डलर पुगेको छ र उनी यो सूचीको दोस्रो स्थानमा छिन् । भोग म्यागाजिनका विभिन्न संस्करणमा ३६ पटकसम्म कभर गर्ल भैसकेकी कार्ली क्लसको आबद्धता एडिडास, स्वारोस्की, एस्टी लाउडर जस्ता विश्व विख्यात ब्रान्डसित छ । 

क्रिस्सी टिएगन

फोब्र्सको सर्वाधिक कमाइ गर्ने मोडलहरूको सूचीमा गत वर्ष पदार्पण गर्दै सीधै तेस्रो स्थान ओगट्न सफल क्रिस्सी टिएगन यो वर्षको सूचीमा पनि तेस्रो स्थानमै छिन् । स्पोर्टस् इलस्ट्रेटेड म्यागजिनको कभर गर्ल समेत रहिसकेकी क्रिस्सीको यो वर्षको कमाइ गत वर्षको तुलनामा घटेको पाइन्छ । यो वर्ष उनको कमाइ १ करोड १५ लाख अमेरिकी डलर रह्यो । जबकि गत वर्ष उनको कमाइ १ करोड ३५ लाख अमेरिकी डलर थियो । द लिप सिन्क ब्याटल नामक टेलिभिजन शोकी होस्ट तथा कुक बुककी लेखिका क्रिस्सीले यो वर्ष कुक बुकको दोस्रो संस्करणसमेत बजारमा ल्याएकी छिन् । 

रोजी हन्टिङटन ह्वाइट्ली

इङ्लिस मोडल एवं अभिनेत्री रोजी हन्टिङटन व्हाइट्ली फोब्र्स पत्रिकाको वर्ष २०१८ को सर्वाधिक कमाइ गर्ने मोडलहरूको सूचीमा क्रिस्सी टिएगनसंगै तेस्रो स्थानमा छिन् । यो वर्ष उनको कमाइ गत वर्षको तुलनामा बढेर १ करोड १५ लाख अमेरिकी डलर पुग्यो । गत वर्षको सूचीमा पाँचौं स्थानमा रहँदा रोजीको कमाइ ९५ लाख अमेरिकी डलर थियो । उनको कमाइ आफ्नै ब्रान्डको लिङ्गरी, मेकअप तथा सुगन्धका कारण बढेको बताइन्छ । यसका साथै रोजी रोज इन्क नामक आफ्नै ब्युटी वेबसाइटसमेत चलाउँछिन् ।

गिसेली बन्डछेन

सन् २००२ देखि फोब्र्स पत्रिकाको वर्षको सबैभन्दा बढी कमाइ गर्ने मोडलहरूको सूचीमा अग्र स्थानमा रहँदै आएकी ब्राजिलियन मोडल गिसेली बन्डछेनको कमाइ विगतको तुलनामा निरन्तर ओरोलो लाग्दै गएको छ । उनी गत वर्ष दोस्रो स्थानमा धकेलिन पुगेकी थिइन् भने यो वर्ष अझ घटेर १० करोड अमेरिकी डलरमा समेटिन पुगेकी छिन् । वार्षिक कमाइ निरन्तर ओरालो लागे पनि फोब्र्सको वर्ष २०१८ मा सर्वाधिक कमाइ गर्ने मोडलहरूको सूचीमा गिसेली पाँचौं स्थानमा छिन् । यस वर्ष उनले आफ्नो जीवनीमा आधारित लेसन्स शीर्षकको पुस्तक प्रकाशित गरिन् । उनको आबद्धता भिभारा तथा आरेजो नामक ब्राजिलियन ब्रान्डसँग पनि रह्यो । 

कारा डेलिभिङ्नी

बढी कमाइ गर्ने मोडलको सूचीबाट गत वर्ष बाहिरिएकी कारा डेलिभिङ्नी यो वर्ष पुन: फर्किएकी छिन् । उनको यो वर्षको कमाइ गिसेली बन्डछेन जत्तिकै अर्थात् १० करोड अमेरिकी डलर रह्यो । उनी यस वर्षको सूचीमा संयुक्त रूपमा पाँचौं स्थानमा छिन् । उनी फोब्र्सको २०१५ को सूचीमा दोस्रो स्थानमा थिइन् भने २०१६ को सूचीमा सातौं स्थानमा थिइन् । किड्स इन लभ तथा सुसाइड स्क्वाड जस्ता चलचित्रमा समेत देखा परिसकेकी काराको यो वर्षको कमाइमा डगलस कस्मेटिक्स, रिमेल, ट्याग ह्युगर, डिओर ब्युटीजस्ता ब्रान्डको योगदान छ । 

गिगी हाडीड

इन्स्टाग्राममा निकै लोकप्रिय मोडल गिगी हाडिड सर्वाधिक कमाइ गर्ने मोडलहरूको सूचीको सातौं स्थानमा छिन् । गत वर्ष झैं यो वर्ष पनि गीगीले आफ्नो खातामा ९५ लाख अमेरिकी डलर जम्मा गरेकी छिन् । २३ वर्षीया गिगी मेबिलिइन्, टमी हिलफाइगर, भोग आइवेयर, मेस्सीका ज्वेलरी जस्ता टप ब्रान्डसँग आबद्ध छिन् ।

बेला हाडिड

फोब्र्स पत्रिकाको गत वर्षको सूचीमा नवौं स्थानमा पदार्पण गरेका बेला हाडिडको कमाइ गत वर्ष ६० लाख अमेरिकी डलर थियो । यो वर्ष उनको खातामा ८५ लाख मिलियन अमेरिकी डलर छ । योसँगै फोब्र्सको सर्वाधिक कमाइ गर्ने मोडलहरूको सूचीमा बेलाको नाम आठौं स्थानमा छ । गिगी हाडिडकी सहोदर बहिनी बेलाको इन्टाग्राममा २ करोड १७ लाख फलोअर छन् । उनको कमाइको मुख्य अंश डियोर ब्युटी, बुलगारी तथा ट्याग ह्युअर जस्ता चर्चित ब्रान्डहरूबाट सम्भव भएको हो । 

जोआन स्मल्स 

प्युर्टो रिकोकी ३० वर्षिया जोआन स्मल्सको यो वर्ष कमाइ ५० लाख अमेरिकी डलर रह्यो । यो कमाइले उनलाई फोब्र्सको वर्ष २०१८ को सर्वाधिक कमाइ गर्ने मोडलहरूको सूचीमा बेला हाडिडसँगै आठौं स्थानमा उभ्याएको छ । रनवेमा छाइरहने जोआन यसपटक एस्टी लाउडर तथा मोस्चीनोको सुगन्धको विज्ञापनसमेत देखा परिन् । 

डचेन क्रोज

डच पावर हाउसका रूपमा परिचित डचेन क्रोज सर्वाधिक कमाइ गर्ने मोडलहरूको सूचीको दसौं स्थानमा छिन् । यो वर्ष उनको आम्दानी ८० लाख अमेरिकी डलर छ । लोरियाल कस्मेटिक्ससितको सम्झौता, पियागेट नामक ब्रान्डको ब्रान्ड मुहार हुनुका साथै उनको आफ्नै नामको काश्मिरी स्वेटरको व्यापार छ ।

प्रकाशित :माघ १, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्