जाडो महिनामा कति पटकसम्म नुहाउनुहुन्छ ?

- महेश तिमल्सिना

पुस २२, २०७५

सुटिङ भयो भने दिनहुँजसो नुहाइन्छ । यदि सुटिङ छैन भने हप्तामा एक–दुई पटकसम्म नुहाउँछु । 

लक्ष्मण पौडेल, निर्देशक 

जाडोयाममा पानी सम्झनेबित्तिकै जाडो हुन्छ । तैपनि कार्यक्रमहरूमा यताउता गैरहनुपर्ने भएकाले दिनकै त भन्दिनँ, तर दुई–तीन दिनमा एकपटक नुहाउँछु । 

भिमु गुरुङ, गायिका 

जाडो मौसममा नुहाउनु भनेको निकै कठिन कुरा हो । यद्यपि म फुर्सदमा जिम क्लब जाने हुँदा प्राय: नुहाउँछु । जाडोमा पनि महिनामा करिब १० पटकसम्म नुहाउँछु । 

याम क्षेत्री, गायक 

महिनामा होइन दिनहुँ नुहाउँछु, तर तातो पानीले मात्र । बाहिर गएका बेला तातो पानी भएन भने चाहिँ नुहाउँदिनँ । 

सुदर्शन थापा, निर्देशक तथा निर्माता 

आच्छुछु.... सम्झँदा पनि जाडो हुन्छ । धेरै त होइन, कहिले दुई दिन बिराएर त कहिले तीन दिन बिराएर नुहाउँछु । 

सुशीला गौतम, गायिका 

गर्मी महिनाको तुलनामा अलि कम नुहाउँछु । दैनिक कार्य प्राय:जसो फिल्डमै हुने भएकाले नुहाउनैपर्छ । 

स्मृति तिमल्सिना, नृत्य निर्देशक 

खै, अरू त महिनौं दिन ननुहाई बस्न सक्छन् । मलाई चाहिँ २७–२८ दिन भएपछि जीउ चिलाउन थाल्छ । जे होस्, धेरै नभए पनि महिनामा तीन पटकसम्म नुहाउने आँट गर्छु । 

सुमन कार्की, हास्यकलाकार 

गर्मी मौसममा त दिनहुँजसो नुहाइन्थ्यो तर जाडोमा चाहिँ हप्तामा दुई पटकमात्र नुहाउँछु । 

खुमन अधिकारी, गायक 

मेरो हकमा नुहाउन जाडो–गर्मी भन्ने हुँदैन । यति पटकसम्म भन्ने छैन, नियमितजस्तै नुहाउँछु । 

सृष्टि खड्का, मोडल 

म जाडो होस वा गर्मी, जिम गएर आएपछि दिनहँुजसो नुहाउँछु । 

अनुपविक्रम शाही, अभिनेता 

जाडो मौसममा पनि दिनहुँ नुहाउँछु, किनभने घरमा तातो पानी छ । 

स्वरूपराज आचार्य, गायक 

मलाई शारीरिक सरसफाइ गर्न जाडो–गर्मीले कुनै असर पार्दैन । त्यसैले दिनहुँ नुहाउँछु । 

हरि हुमागाईं, छायाँकार 

प्राय:जसो दुईदिनमा एकपटक नुहाउँछु तर फिटनेस क्लब जाँदा भने दिनहुँजसो नुहाइरहेको हुन्छु ।

अनिता चलाउने, गायिका 

मुडमा भर पर्छ । कहिले त महिनौं ननुहाई पनि बस्न सकिन्छ । 

उपेन्द्र सुब्बा, साहित्यकार 

जाडो मौसममा दुई दिनमा एकपटक नुहाउने बानी छ । 

श्रीदेव भट्टराई, अभिनेता 

टाउको चाहिँ कतै साथीभाइ भेटघाट अथवा कुनै कार्यक्रमका क्रममा आवश्यकताअनुसार नुहाइरहन्छु तर पूरै शरीरचाहिँ महिनामा दुई पटक नुहाउँछु, तैपनि फोहोर हुँदैन । 

इष्टु कार्की, रंगकर्मी 

मलाई जाडोमा नुहाउन कुनै पनि कुराले छेक्दैन । दिनहुँ नुहाएर मात्र बाहिर निस्कन्छु तर तातो पानीले नुहाउँछु । 

रेखा थापा, अभिनेत्री 

यतिपटक भन्ने नै हुँदैन, कहिलेकाहीँ टाउकोमात्र नुहाइन्छ । महिनामा कम्तीमा २० पटक त नुहाउँछु होला । 

पूजा शर्मा, अभिनेत्री 

म जाडो महिनामा कम्तीमा तीन पटक नुहाउँछु । 

आर्यन पुडासैनी, मोडल 

जाडो मौसममा तातो पानी भयो भने त दिनहुँजसो नुहाउँछु तर चिसो पानी बाट बार हात टाढा भाग्छु । 

सलोन बस्नेत, अभिनेता 

 

प्रकाशित :पुस २२, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्