मंसिर २१ देखि २७ गतेसम्मको राशिफल

  • साप्ताहीक राशीफल

- रामप्रसाद सिटौला (फलित ज्योतिष)

मंसिर २१, २०७५

 

                   मंसिर २४ गते : विश्व मानव अधिकार दिवस । मंसिर २६ गते : विवाह पञ्चमी । 

 

मेष

राम्रा अवसर र शुभ समाचारले साता अनुकूल बनाउनेछन् । अभिभावकको वचन परिवर्तनले मनमा चोट पुर्‍याउन सक्छ । महत्वपूर्ण निर्णय गर्दा संयम अपनाउनुहोला । सामाजिक–सार्वजनिक क्षेत्रमा सक्रिय हुनुहुन्छ भने मंगलबारपछि पूर्व दिशाको सभा–सम्मेलन तथा जनसम्पर्कले सार्थक परिणाम दिनेछ ।  

वृष 

आफ्नो पहिरनले अरूको मन आकर्षित गर्नेछ । सानो लगानीमा गतिलो आम्दानी हात पर्दा अभिभावकहरू दंग पर्नेछन । रोकिएको व्यवसायमा साझेदारको सहयोगमा पुन: प्रयत्न गर्दा सफलता प्राप्त होला । साताको अन्त्यतिर ठूलो खर्चको चपेटामा परिनेछ । पूर्वको यात्राले विशेष फाइदा पुर्‍याउन सक्छ ।  

मिथुन 

विशिष्ट व्यक्तिहरू उपस्थित कार्यक्रममा सहभागी भइनेछ । मन पराउनेहरूबीच चर्काचर्की भै मानसिक तनाव सिर्जना सक्छ । कम बोले उक्त समस्या स्वत: निर्मूल हुनेछ । अकस्मात् विदेश यात्राको साइत जुर्न सक्छ । भ्रमण फाइदाजनक नै हुनेछ । पहिलेदेखिको कार्यक्षेत्र परिवर्तन होला । 

कर्कट

कार्य सम्पादनको सिलसिलामा विवाद भए पनि मेहनत खेर जानेछैन । बाधाहरू हट्दै भैतिक सुख–सुविधा जुट्नेछ । घरायसी व्यवहारमा संलग्न नहुनु नै उपयुक्त हुन्छ । वृद्ध तथा अपांगहरूको सेवाले प्रतिष्ठा प्रदान गर्नेछ । रातो पहिरन प्रयोग गर्दा प्रतिस्पर्धीहरू पछि पर्नेछन् । विशिष्ट व्यक्तित्वहरूसँगको भेटले थप प्रेरणा दिनेछ ।

सिंह 

साताको प्रारम्भसँगै पूर्वतर्फको यात्रा हुन सक्छ, जसमा परिणाममुखी कार्य सम्पन्न गर्न सकिनेछ । वनभोज एवं मनोरञ्जक कार्यक्रममा सहभागी हुँदा टाढिएका मित्रबीचको सम्बन्ध पुन: नजिकिनेछ । सुनौलो रंगको प्रयोगले नचिताएको परिणाम प्राप्त होला । सभा–सम्मेलनको उपस्थितिले जनसम्पर्क वृद्धि गर्नेछ ।

कन्या 

योजना सफल बनाउन कठोर मेहनत गर्नुपर्नेछ । विभिन्न किसिमका तालिममा सहभागी हुने अवसर पाइएला । बुधबार र बिहीबार बाध्यात्मक रूपमा दक्षिण तर्फको सामाजिक कार्यक्रममा उपस्थित हुनुपर्नेछ, जसमा सम्मानित हुने सम्भावनासमेत छ । यात्रा गर्दा समयको ख्याल गर्नु होला ।

तुला  

मन पराउनेहरूसँग वादविवाद नगर्नुमै आफ्नो हित छ । कामको हेक्का नराख्दा अरूले उछिन्न सक्छन् । पश्चिमतर्फको आकस्मिक भ्रमणबाट मनोरञ्जनसहित आर्थिक लाभसमेत हात लाग्ने सम्भावना छ । घुमफिर गर्दा फजुल खर्च भए पनि नयाँ अनुभव बटुल्ने अवसर पाइनेछ । 

वृश्चिक 

आ–आफ्नो हठका कारण प्रेमी–प्रेमिकाबीच उत्पन्न खटपट साताको अन्त्यमा स्वत: निर्मूल हुनेछ । आफ्नो क्षमताको बलमा जिम्मेवारीपूर्ण कार्य सम्पन्न गरी पदोन्नतिको ढोका खोल्न सकिनेछ । बाहिरी कुराले पारिवारिक वातावरण खलवल्याउन सक्छ, अर्काको कुरा विश्वास नगर्नुहोला । 

धनु 

नयाँ तथा महत्वपूर्ण योजना तर्जुमा गर्न समय खर्चनुपर्नेछ । स्थान परिर्वतन गरी थालेको व्यवसायले मनग्य लाभ दिनेछ । झिनामसिना समस्या साथीहरूको सहयोगबाट निराकरण गर्न सकिनेछ । सामाजिक उत्सवमा सरिक हुँदा समय तथा स्वास्थको विशेष ख्याल राख्नुहोला ।  

मकर 

सामाजिक हकहितका निम्ति समय खर्चिनुपर्नेछ । विचार नगरी अरूलाई वचन दिँदा अप्ठ्यारो परिस्थिति सिर्जना हुनसक्छ । नयाँ व्यवसायमा हात हाल्दा अभिभावकको सुझाव आत्मसात गर्नुहोला । ढिलै भए पनि सहि बाटो पहिल्याइनेछ । साताको अन्त्यमा खानपानमा फेरवदल भै स्वस्थ्य प्रतिकूल हुनसक्छ ।

कुम्भ 

आम्दानीका राम्रै स्रोत हात लागे पनि खर्चको क्रम रोक्न सकिनेछैन । पारिवारिक मन्तान्तरका बाबजुद तपाईंको विचार नै अनुमोदन हुनेछ । साथीहरूको सुझावबाट रोजगारीको मार्ग पहिल्याउन सकिनेछ । सूर्यको आराधनाले काम सम्पन्न गर्न सहज बनाउनेछ । रात्रिकालीन यात्रामा सावधानी अपनाउनु होला । 

मीन 

पर्यटकिय क्षेत्रको वनभोजमा सहभागी भइनेछ, जसमा लामो समयदेखि भेटघाट तथा सम्पर्क नभएका साथीभाइसँग भलाकुसारी हुनेछ । मौसमी फेरबदलबाट आइलाग्ने सानातिना शारीरिक पीडाले पिरोल्ने सम्भावना छ । आहार–विहारमा संयम अपनाउनु नै उचित हुन्छ ।  

प्रकाशित :मंसिर २१, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्