दुर्घटना पश्चात्को नयाँ जीवन

- साप्ताहिक संवाददाता

मंसिर २०, २०७५

जर्मनीकी फर्मुला थ्री रेसर सोफिया फ्लोरेस ८ दिनको अस्पताल बसाइपश्चात् गत सोमबार घर फर्किन् । यस पटकको मकाउ ग्रांपीमा प्रतिस्पर्धा गर्ने क्रममा उनी दुर्घटनामा परेकी थिइन् । १७ बर्षिया फ्लोरेस लामो उपचारपश्चात् ठीक अवस्थामा आएकी हुन् ।

यसलाई उनले आफ्नो दोस्रो जन्म भनेकी छिन् । दुर्घटनापश्चात् सोफियाको ढाडको हड्डी भाँचिएको थियो । चिकित्सकहरूले करिब १० घण्टाको कठिन शल्यक्रियापश्चात् उनलाई खतरामुक्त गराएका थिए ।

रेसका दौरान प्रतिस्पर्धी ड्राइभर जापानकी सुबोईलाई उछिन्ने प्रयास गर्दा सोफियाले कारको नियन्त्रण गुमाइन् र करिब २ सय ७६ किलोमिटर प्रतिघण्टाको गतिमा रहेको उनको कार सुबोईको कारसँग ठोक्किँदै मिडिया सेक्सन रहेको भवनमा गएर बजारिएको थियो । दुर्घटनामा सोफियाका अतिरिक्त जापानी ड्राइभर सुबोई, दुई जना फोटोग्राफर तथा एक मार्सलसमेत घाइते भएका थिए ।

 

प्रकाशित :मंसिर २०, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्