मंसिर ७ देखि १३ गतेसम्मको राशिफल

- रामप्रसाद सिटौला (फलित ज्योतिष)

मंसिर ७, २०७५

                     मंसिर ६ गते पूर्णिमा व्रत । मंसिर ७ गते गुरु नानक जयन्ती । 

 

मेष 

आलोचना गर्नेहरू बढी नै भए पनि तपाईंको दृढताका कारण पराजयको सामना गर्नुपर्ने छैन । घुमघाम गर्ने अवसर जुट्नेछ । खर्चिलो यात्राले मनमा दुविधा उत्पन्न गराउला । कर्मचारी वर्गले विशेष होसियारी अपनाउनुहोला । रातो रंग प्रयोग गर्न सके सफलता नजिकिनेछ । स–साना त्रुटिले पनि मर्यादामा चोट पुर्‍याउन सक्छ । 

वृष 

मेहनत गरे जीवनशैलीमा परिवर्तन ल्याउन सकिनेछ । सरोकार नभएका विषयमा चासो राख्दा दु:ख पाइनेछ । प्रेममा अविश्वासको दोहोरी चल्नेछ । अध्ययनका लागि विदेश जाने प्रक्रिया अघि बढ्नेछ । बलजफ्ती गर्नाले काम बिग्रने सम्भावना छ । सद्विचारले अभिप्रेरित हुनेहरूलाई भने फाइदै हुनेछ । भौतिक सुखका साधनप्रति आकर्षित भइनेछ । 

मिथुन

पराक्रम बढ्नुका साथै काममा सफलता हात पर्नेछ । राम्रै आम्दानी हुने रोजगारीको अवसर समेत जुट्नेछ । नसोची अरूलाई वचन दिँदा अप्ठ्यारोमा परिएला । प्रतिस्पर्धीहरूलाई सजिलै पछि पार्न सकिनेछ । खानपानको असावधानीले पाचन प्रक्रियामा समस्या सिर्जना गर्न सक्छ । मान्यजनको प्रेरणाले मन दह्रो हुनुका साथै अध्ययनमा हौसला मिल्नेछ ।   

कर्कट 

प्रतिष्ठित व्यक्तित्वहरूसँग सहकार्य गर्दै कीर्तिमानी काम सम्पादन गर्न सकिनेछ । मन मिल्ने साथी फेला पर्नुका साथै प्रेमको बन्धनसमेत कसिन सक्छ । नजिकका साथीहरू बिदेसिए पनि नयाँ साथीभाइसँग सम्बन्ध गाँसिनेछ । प्रतिस्पर्धाले चौर्तफी प्रगति गराउनेछ । साताको अन्त्यमा वादविवादमा अघि सर्नु उपयुक्त हुँदैन । 

सिंह 

प्रयत्न गर्दा सजिलै लक्ष्यमा पुग्न सकिनेछ । आम्दानीको दिगो स्रोत फेला पर्न सक्छ । विद्वान्हरूको संगतले ज्ञानको दायरा बढाउने अवसर प्राप्त हुनेछ । बाधाहरू स्वत: हट्नेछन् । सिर्जनात्मक काम गरेर धैरेको मन लोभ्याउन सकिनेछ । प्रतिस्पर्धाको दौडमा सहपाठीहरूलाई उछिन्न सकिन्छ । रमाइलो यात्रा गर्ने अवसर जुट्न सक्छ । 

 

कन्या 

साताको सुरुमा खर्च बढ्नाले धनको अभाव महसुस हुनेछ । परिश्रमअनुसार राम्रै फल पाइनेछ । दिगो फाइदा हुने कार्य प्रारम्भ गर्ने सुझाव प्राप्त होला । रोकिएका काममा दोहर्‍याएर प्रयत्न गर्दा सफलता हात लाग्नेछ । टाढा भएका साथीभाइसँग लामो यात्रा गर्ने अवसर जुट्न सक्छ । बलजफ्ती गर्दा काम बिग्रनेछ भने सप्ताहान्तमा नाम, दाम तथा इनाम हात पार्न सकिनेछ । 

तुला  

प्रयत्न गर्दा लक्ष्यमा पुग्न सकिनेछ । तपार्इंको लगनशीलताले राम्रै प्रतिष्ठा दिलाउनेछ । प्रतिस्पर्धाको दौडमा सहपाठीहरूलाई पछि पारिनेछ । तपाईंको जुक्तिबुद्धिलाई साथीभाइले अनुमोदन गर्दै सहकार्य समेत गर्नेछन् । लामो तथा छोटा यात्रा हुने सम्भावना छ । सप्ताहन्तमा रचनात्मक काम गरेर धेरैलाई प्रभावित तुल्याउन सकिनेछ ।

वृश्चिक 

विशेष कामको जग बसाउन सकिनेछ । साथीभाइको सुझावमुताबिक व्यवसाय गर्दा फाइदा हुनेछ । पहिलेका गल्तीहरू सच्याउने अवसर पाइनेछ । टाढिएका आफन्त नजिकिनेछन् । प्राकृतिक पर्यावरणमा रमाउँदै यात्रा गर्ने अवसर जुर्न सक्छ । मन एकाग्र रहनुका साथै अध्ययनमा प्रगति हुनेछ । 

धनु 

नयाँ क्षेत्रमा पदबहाल गर्ने अवसर प्राप्त हुनसक्छ । प्राप्त अवसरले थप मेहनतको अपेक्षा गरेको छ । सामाजिक हैसियतअनुरूप जीवनशैलीमा परिर्वतन ल्याउनुपर्नेछ । पहेंलो रंगले कार्य सम्पन्न गर्न ऊर्जा प्रदान गर्नेछ । खानपानमा सहभागी हुँदा स्वास्थ्यको हेक्का राख्नुहोला ।

मकर

बिदेसिएका मित्रको सुझावअनुरुप सेयर बजारप्रति आकर्षित भइनेछ । अचानक प्रेम प्रस्ताव प्राप्त हुनसक्छ । संयमित भै निर्णय गर्नुहोला । आम्दानी हुने व्यवसायमा लगानी गर्ने अवसर जुट्न सक्छ । साताको अन्त्यमा घरायसी सामानको खरिदमा समय खर्चिनुपर्नेछ । खर्च नियन्त्रण गर्दै जीवनचर्यामा ध्यान पुर्‍याउनुहोला ।   

कुम्भ

आफ्नो नामबाट अरूले फाइदा उठाउन सक्छन् । वादविवादबाट टाढा रहनु नै उपयुक्त हुन्छ । लगनशीलताले विविध अवसर जुटाउनेछ । साताको अन्त्यमा यात्रा गर्ने अवसर प्राप्त हुनसक्छ । भोज–भतेरमा पुराना मित्रसँगको भेटले थप मनोरञ्जन दिलाउनेछ ।  

मीन

परिश्रमले जीवनशैलीमा परिर्वतन ल्याउनुका साथै आर्थिक अभावको अवस्था स्वत: दूर हुनेछ । सोमबारपछि टाढिएका आफन्तजनसँग भेटघाट होला । मन प्रफुलित रहनेछ । करियर बनाउन आत्मीय मित्रहरूसँग सुझाव लिनुपर्नेछ । प्रियजनसँगको भेटघाटले साता रमाइलो बनाउनेछ । मौसम परिवर्तनअनुरूप स्वास्थ्यको ख्याल राख्नुहोला ।  

प्रकाशित :मंसिर ७, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्