डेलिभरीजस्तो संवेदनशील कुरालाई थप जोखिमपूर्ण बनाएको छ

- साप्ताहिक संवाददाता

कार्तिक १७, २०७५

 

सामान्य अवस्थामै गर्भवती गराउन सक्ने भए पनि अप्रेसन गर्न प्रोत्साहित गर्ने स्वास्थ्य संस्था तथा चिकित्सकहरूको कार्य उदेकलाग्दो छ । यस्तो कार्यले डेलिभरीजस्तो संवेदनशील कुरालाई थप जोखिमपूर्ण बनाएको छ (जबर्जस्ती अप्रेसन) । प्राकृतिक तरिकाले शिशु जन्मने अवस्था हुँदाहुँदै अथवा आमा र शिशुको ज्यान सुरक्षित हुँदाहुँदै अनेकौं डर–त्रास देखाएर जबर्जस्ती अप्रेसन गराइनु दुखद् कुरा हो । यस्तो कार्य निरुत्साहित गरिनुपर्छ । 

रक्षा नेपाल 

सुबिन भट्टराईले गाउँको दसैंको धुमिल अनुभूतिलाई फेरि ताजा बनाइदिनुभयो । गाउँको दसैंजस्तो दसैं खोजेर कहाँ पाउनु (गाउँको दसैं) । मलाई आफ्नै अनुभूतिजस्तो गरी लेखकले गाउँको सम्झनाले लपक्कै भिजाइदिनुभयो । 

मोहन शाह 

एमी दाहालका बारेमा पढ्न पाउँदा खुसी लाग्यो । मैले उनले अभिनय गरेका चलचित्र तथा नाटक त हेर्न पाएको छैन् (असुरक्षित छन् छोरी मान्छेहरू) । यद्यपि उनको सोचजस्तै अभिनय पनि सुन्दर होस र उनका चलचित्र तथा नाटक अब्बल साबित हुन् भन्ने शुभकामना । 

परदेशी कान्छा 

कुनै समय बिपना थापा मेरी प्रिय हिरोइन् थिइन । उनको अभिनय अब्बल दर्जाको थियो, तर उनको मन पनि त्यस्तै निर्मल र राष्ट्रप्रेमी रहेछ (राष्ट्र र राष्ट्रियता नै ठूलो कुरा रहेछ) । हरेकका लागि आफनो जन्मभूमी ठूलो हुन्छ । बिपनाको विचार र मन मातृभूमि प्रेमले ओतप्रोत रहेछ । मलाई निकै खुशी लाग्यो । 

निरन्जन शाही 

नेपालमा बसेर चाकरी गरी जागिर खानुभन्दा त यही ठीक हो नि (विद्यार्थी भिसामा बिदेसिने बढे) । 

सहिल खरेल 

स्वदेशी क्रिकेटमा नयाँ–नयाँ प्रयोग हुनु सुखद् कुरा हो । यसले हाम्रो घरेलु क्रिकेटको आधार बलियो तुल्याउँछ (नेपाली क्रिकेटमा नयाँ प्रयोग: क्रिकेट फ्यान्टासी) । अर्का तिर हाम्रो क्रिकेटमा नयाँ प्रतिभाको खोजी गर्न पनि सहज हुन्छ । ब्यापार र मनोरन्जनका दृष्टिकोणले पनि यस्ता प्रतियोगिताहरू भैरहनुपर्छ । 

निशा गुरुङ 

गायक विश्व नेपालीका बारेमा पढ्न पाउदा खुशी लाग्यो (कर्पोरेट जगतका प्रिय: विश्व नेपाली) । साप्ताहिकले यस्तै लुकेका प्रतिभालाई मूलधारमा ल्याउने काम गरिरहोस । 

रुचित विक

ज्योति मगरलाई धेरैले छाडा भनेर गाली गर्छन्, तर म त्यसरी गाली गर्ने पक्षमा छैन् (कोमल वली–२ पनि हुन सक्छु) । उनी जे बोल्छिन् र जे गर्छिन् स्पष्ट रूपमा गर्छिन् । त्यसैले उनी कपटी छैनन् । ज्योतिको यही स्वभावका कारण म उनको प्रशंसक भएको हुँ । साप्ताहिकको प्रश्न र ज्योतिको जवाफ रमाइलो लाग्यो । 

विशाल राई 

केकी अधिकारीलाई अग्रिम शुभकामना । निर्देशक बन्ने तयारीमा हुनुहुँदो रहेछ (केकी अब निर्देशक) । अभिनयमा जस्तै निर्देशनमा पनि केकीको जादु चलोस् । 

हरेराम चौधरी 

दुवै चकलेटी हिरोलाई शुभकामना (चकलेटी भिडन्त) । मलाई यी अभिनेताद्वयको क्युट लुक खुबै मन पर्छ । 

प्रियशा अधिकारी 

साथीहरूको पनि भर पर्न नसकिने, कस्तो समय आयो (आफ्नै साथी काल बनेपछि) । पैसा र लोभ भन्ने कुराले केही नचिन्दो रहेछ । 

हिमांक प्रधान

प्रकाशित :कार्तिक १७, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्