कार्तिक १६ देखि २२ गतेसम्मको राशिफल

  • साप्ताहिक राशिफल

- रामप्रसाद सिटौला (फलित ज्योतिष)

कार्तिक १६, २०७५

 

कात्तिक १९ गते : यमपञ्चम आरम्भ, काग तिहार 

कात्तिक २० गते : कुकुर तिहार 

कात्तिक २१ गते : लक्ष्मीपूजा 

कात्तिक २२ गते : गोवद्र्धन पूजा, म्ह पूजा 

कात्तिक २३ गते : भाइटीका । 

मेष 

राम्रा अवसर तथा शुभ समाचारले साता अनुकूल बनाउनेछन् । अभिभावकको वचन परिर्वतनले मनमा चोट पुग्न सक्छ । संयमताका साथ निर्णय लिनु उचित हुुन्छ । आर्थिक क्षेत्रमा प्रभुत्व जमाई सोचेजस्तो लाभ लिन सकिनेछ । मेहनत एवं लगनशीलताले प्रतिष्ठा दिलाउनेछ । घरायसी व्यवहारबाट टाढै रहनुहोला ।

वृष 

लगनशीलताले विविध अवसर जुटाउनेछ । मन मिल्ने साथीको सुझावप्रति विश्वास गर्दा पछि परिएला । आफ्नो कार्य दक्षताको चौतर्फी प्रशंसा हुनेछ । चुरो कुरा पत्ता लगाई असहज परिस्थतिको सामना गर्न सकिनेछ । 

मिथुन 

आफ्ना सिर्जनशील रचनाले प्रेमी–प्रेमिकाको मन जित्न सकिनेछ । इष्टमित्रबाट प्राप्त सुझावले आफ्नो भलो नै गर्नेछ । सामाजिक सेवाले राम्रो प्रशंसा दिलाउनेछ । नीलो रंगको पहिरनले कार्यक्षेत्रमा विशेष लाभ पुर्‍याउनेछ । राति अबेरसम्म भोजभतेरमा सहभागी हुँदा बेफाइदा हुन सक्छ । 

कर्कट 

रोजगारीका नयाँ क्षेत्र पहिचान गरी लाभ लिन सकिनेछ । मित्रको सहयोगबाट हौसला प्राप्त हुनेछ । सामाजिक क्षेत्रको लगानीले विदेश भ्रमणको अवसर जुटाउन सक्छ । प्रलोभन देखाउनेहरूबाट टाढै रहँदै प्रतिष्ठा जोगाउनुहोला । साताको अन्त्यमा स्वास्थ्यको ख्याल गर्नुपर्ने छ ।

सिंह 

रोजगारीको अवसर जुट्ने सम्भावना छ । कला–कौशल देखाएर फरक पहिचान स्थापित गर्न सकिनेछ । केही दिनको अन्तरमा मायालुसँग भेट हुँदा मन प्रफुल्लित हुनुका साथै ठाकठुकसमेत पर्न सक्छ । वृद्ध–वृद्धाहरूलाई फलफूल तथा वस्त्र सहयोग गर्दा आशीर्वाद पाइनेछ । 

कन्या 

प्रियजनको सहयोगमा वैदेशिक यात्राको सम्भावना छ । तपाईंको पराक्रमको प्रशंसा हुनुका साथै कामको समेत मूल्यांकन हुनेछ । प्रेमी–प्रेमिकाबीच विवाद उत्पन्न हुनसक्छ । साताको अन्त्यमा बहुमूल्य उपहार प्राप्त हुने सम्भावना छ । सुनौलो रंग प्रेरणादायी सावित हुनेछ । 

तुला 

गुणस्तरीय व्यवसाय सुरु गर्न साझेदारबीच मत मिल्नेछ । सहयोगीहरूले नै षड्यन्त्र गर्न सक्छन्, सचेतता अपनाउनुहोला । युवायुवतीमाझ नयाँ परिचय स्थापित गर्न सकिनेछ । मनोरञ्जन तथा भोजभतेरमा सहभागी हुँदा स्वास्थ्यको ख्याल गर्नुपर्नेछ ।

वृश्चिक 

तपाईंको निर्णय क्षमताले विभिन्न अवसरको ढोका खोल्नेछ । प्रतिस्पर्धामा सफलता हात पर्नेछ । आवेशमा गरिएका कार्य परिणाममुखी नहुन सक्छन् । पहेंलो रंगको प्रयोग शुभ छ । पश्चिमतर्फको यात्रा लाभदायक देखिन्छ । 

धनु

आफन्त तथा अभिभावकको सुझावले तपाईंलाई व्यवहारिक बन्न प्रेरणा दिनेछ । सभा–सम्मेलन तथा तालिममा सहभागी हुन पाइनेछ । आफ्नो प्रतिभाले उच्च कदर प्राप्त गर्नेछ । नयाँ क्षेत्रमा लगानी गर्दा फाइदै होला । कसैप्रति छिटो विश्वास गर्ने बानीले पछि परिनेछ । 

मकर 

साता आनन्दमय रहनेछ । गहिरो अध्ययनले ज्ञानको दायरा बढाउन मद्दत गर्नेछ । कार्य क्षेत्रका झिना–मसिना झन्झट भने कायम रहन सक्छन्, धैर्यताले ती झन्झटबाट उन्मुक्ति दिलाउनेछ । प्रेमी–प्रेमिकाले स–साना त्रुटि औंल्याउदा प्रेममा तुषारो लाग्न सक्छ । नीलो रंगको पहिरनले ऊर्जा प्रदान गर्दै कार्य सम्पन्न गर्न सहज बनाउनेछ । 

कुम्भ 

कार्य सम्पन्न गर्दा विवेक पुर्‍याए झमेलाहरू स्वत: निर्मूल हुनेछन् । प्रतिष्ठा एवं पदोन्नतिको अवसरलाई चुनौतीका रूपमा आत्मासात् गरे नयाँ उचाइमा पुगिनेछ । मन पराउनेहरूसँग कम बोल्नु नै उपयुक्त हुन्छ । खरानी रंगको पहिरनले आशीर्वाद बर्साउनेछ ।

मीन 

आकर्षक पहिरनबाट अरूको मन लोभ्याउन सकिनेछ । रोकिएका काममा पुन: प्रयत्न गर्दा सफलता प्राप्त होला । पाहुनासँग रमाउँदै विशेष परिकारको आनन्द लिन पाइनेछ । लगानीले गतिलो आम्दानी हात लगाउनेछ । साताको अन्त्यमा सार्वजनिक कार्यमा सहभागी हुने अवसर जुट्नेछ ।  

 

प्रकाशित :कार्तिक १६, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्