मेरो किनमेल डेस्टिनेसन

  •  निता ढुङ्गाना, अभिनेत्री

- साप्ताहिक संवाददाता

आश्विन २१, २०७५

 

सिभिल मल 

म किनमेलका लागि धेरै पटक सिभिल मल पुगिरहेकी हुन्छु । त्यहाँ म विशेष गरी कपडा किन्छु । सिभिल मलमा अन्य ठाउँको तुलनामा बढी फेसनेवल पहिरन पाइन्छ । यसका साथै तुलनात्मक रूपमा सस्तो पनि हुने हुँदा पहिरन किनमेलका लागि म धेरैजसो सिभिल मल नै रोज्छु । 

दरबारमार्ग एरिया 

म दरबारमार्ग पनि पुगिरहेकी हुन्छु, जहाँको बेन्ट्लीमा विशेष गरी ब्याग किन्छु । अरू ठाउँभन्दा अलि महँगो परे पनि त्यहाँ ब्रान्डेड सामान पाइने विश्वास छ । वेन्टलीमा मैले ३ वटा ब्याग किनिसकेकी छु । 

सिटीसेन्टर 

सिटीसेन्टरमा म विशेष गरी वान पिस, हाफ पाइन्ट तथा जुत्ता किन्न पुग्छु । मेकअपका सामान पनि धेरैजसो सिटी सेन्टरमै किनिरहेकी हुन्छु ।

 

भाटभटेनी 

किचनका सामान किन्नु पर्दा भाटभटेनी मेरो रोजाइमा हुन्छ । एकैठाउँमा सबै सामान पाइने र अन्य किराना पसलको तुलनामा सस्तो पर्ने भएकाले पनि भाटभटेनी मेरो प्राथमिकतामा पर्छ । यस्तै घर सजावटका सामान किन्न पनि म भाटभटेनी पुग्छु । यसपालीको दसैंंका लागि घर सजाउने सामान किन्न म भाटभटेनी नै जाने तयारीमा छु । 

बिग मार्ट

केही सामान आवश्यक परिहाल्यो भने मेरो गन्तव्य बिग मार्ट हुन्छ, जहाँ म विशेष गरी टुथ ब्रस, टुथ पेस्ट, चकलेट, आइसक्रिम आदि खरिद गर्छु ।

प्रकाशित :आश्विन २१, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्