आदित्य र तमन्ना बने लिटिल स्कुल स्टार

- साप्ताहिक संवाददाता

आश्विन ८, २०७५

प्रदेश पाँचको राजधानी बुटवलमा आयोजित लिटिल स्कुल स्टारको उपाधि आदित्य श्रेष्ठ र तमन्ना लम्सालले जितेका छन् । स्कुले विद्यार्थीहरुमा अन्तरनिहित प्रतिभा प्रस्फुटनका निमित्त आयोजित उक्त प्रतियोगितामा विभिन्न विद्यालयमा अध्ययनरत विद्यार्थीहरुले सहभागिता जनाएका थिए । 

करिब एक महिनाको प्रशिक्षणमा विभिन्न चरण पार गर्दै सहभागीहरु फाइनलमा पुगेका हुन् । एसपीएम क्रियशन रुपन्देहीले आयोजना गरेको  लिटल स्कुल स्टारमा ६० जनालाई पछाडि पार्दै आदित्य र तमन्नाले उपाधि जिते । गायनमा रुचि राख्ने ११ वर्षिय आदित्यले शिर्ष उपाधिसँगै मोस्ट ट्यालेन्टको उपाधि पनि चुमे । यसै प्रतियोगितामा ब्लेस सुवेदी र दिप्सा कर्माचार्य फस्ट रनरअप, स्मृत खत्री र क्रिस्टिना थापा मगर सेकेण्ड रनरअप बने ।  गृवाण सिंह क्षेत्री र किरण जिसी भिवर्स च्वाईस बनेको प्रतियोगितामा अर्गनाईजर च्वाईस युनेश घताने र लिसा थापा मगर बने । 

अभिनेत्री प्रियंका कार्की र आयुष्मान जोशी प्रमुख निर्णायक रहेको कारण प्रतियोगितामा बेग्लै उत्सुकता थपेको थियो । यी दुबैले आफ्नो बाल्यकाल स्मरण गर्दै प्रतियोगी बालबालिकाहरुलाई उत्कृष्ट प्रतिभा प्रर्दशन गर्न हौस्याइरहे । आयोजक एसपीएम क्रियशन रुपन्देहीका अध्यक्ष पवन आचार्यले बालबालिकाहरुले राम्रो प्रर्दशन गर्न सकेकामा खुशी प्रकट गर्दै यसलाई निरन्तरता दिने जनाए ।

कोरियोग्राफर समेत रहेका रेशम न्यौपानेले संचालनमा गरेको कार्यक्रममा विभिन्न साास्कृतिक प्रस्तुतिहरु पनि देखाइए ।

 

प्रकाशित :आश्विन ८, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्