भर्जिन होइन

- नरेन्द्र बस्नेत

भाद्र ५, २०७५

पछिल्लो पुस्ताका गम्भीर अभिनेता हुन्— गौरव पहारी । चलचित्र होस्टलदेखि हालसम्म आइपुग्दा उनले अभिनय गरेका प्राय: सबै चलचित्र सफलसमेत छन् । पहारी आफ्नो पछिल्लो चलचित्र मिस्टर भर्जिनबाट निकै आशावादी छन् ।

यौनका विषयमा तपार्इंको धारणा ?

यो सामान्य कुरा हो, लुकाउनुपर्ने विषय होइन । हाम्रो देश यो विषयमा उदार हुन नसक्दा बलात्कारजन्य घटनाहरू बढिरहेका छन् । यदि सेक्सका विषयमा उदार बन्ने हो भने ती घटनासमेत कम हुन्छन् ।

मिस्टर भर्जिनमा अभिनय गर्नुको कारण ?

नेपालको पहिलो सेक्स कमेडी भएकाले त्यसै पनि यो चलचित्र एउटा इतिहास हो । अर्को कुरा, यो चलचित्रको मुख्य सन्देश सेक्सप्रतिको समाजको दृष्टिकोण फराकिलो हुनुपर्छ भन्ने हो । त्यसैले पनि म यो चलचित्रमा अभिनय गर्न राजी भएको हुँ । यो चलचित्र एउटा कोशेढुंगा नै सावित हुनेछ, म यसबाट पूर्ण रूपमा आशावादी छु ।

तपाईंका विगतका चलचित्रभन्दा के अर्थमा फरक छ यो चलचित्र ?

धेरै फरक छ । मैले विभिन्न चलचित्रमा फरक–फरक भूमिका निर्वाह गरेको छु । यो चलचित्र त त्यसै पनि फरक छ । विगतका चलचित्रमा भन्दा अझ बढी मेहनत गरेको छु । 

चलचित्रसँग तपाईंको जीवन मेल खान्छ ?

मज्जाले, यो हरेक युवायुवतीको कथा हो । फरक यति हो कि मानिसहरू सेक्सका विषयमा खुलेर कुरा गर्दैनन । यो चलचित्रले त्यही अवस्था देखाउँछ । 

तपाई चाहिँ भर्जिन कि... ?

नो, म भर्जिन होइन । म ढाँट्दिन । मैले सानैमा आफ्नो भर्जिन तोडिसकेको छु । म यो विषयमा पूर्ण जानकार छु । मलाई राम्रो अनुभव छ ।

 

प्रकाशित :भाद्र ५, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्