म घमन्डी छैन

- साप्ताहिक संवाददाता

श्रावण २४, २०७५

तपाईं हक्की कि घमन्डी ?

दुवै होइन । म आफूलाई सही लागेको कुरा सहज ढंगले व्यक्त गर्छु । कुनै कुरामा चित्त नबुझे त्यसको प्रतिवाद गर्छु र आफूले जानेको कुरा अरूलाई भन्छु । 

आफ्नो रूपको घमन्ड कत्तिको छ ? 

पटक्कै छैन । म रूपमा भन्दा पनि काममा विश्वास गर्छु । 

कस्ता चलचित्रमा अभिनय गर्नुहुन्छ ?

म प्राय:जसो चलचित्रको कथाप्रति न्याय गर्न सक्छु जस्तो लाग्यो भने मात्र काम गर्छु । नत्र सीधै गर्दिन भन्छु ।

बढी खर्चिलो हुनुहुन्छ रे ?

कसले भन्यो यस्तो कुरा तपाईंलाई ? म सामान्य मानिससरह नै खर्च गर्छु र कसैसँग त्यस्तो माग पनि गर्दिनँ । 

छिटो रिसाउनु हुन्छ हो ?

होइन, म आफूलाई चित्त नबुझेको कुरा स्पष्ट भन्छु, म मनमा कुरा राख्दिनँ । भएको कुरा भन्दा कोही रिसाउँछन् भने त्यसमा मेरो भन्नु केही छैन ।

प्रकाशित :श्रावण २४, २०७५