Teej banner

सामाजिक सञ्जालमा किन अरुको उछित्तो काडिन्छ ?

- साप्ताहिक संवाददाता

श्रावण २३, २०७५

बेरोजगारी बढी भएर हो नि ! कुनै एउटाको पक्ष लागेर अर्को पक्षको उछित्तो काट्दा के थाहा कुनै दिन साथ दिएको पक्षले कुनै बम्पर उपहार नै दिन्छ कि ?

दीपक तामाङ

के गर्नु ? काम छैन, दिन कटाउनैपर्‍यो, खाको पचाउनै पर्‍यो अनि त्यति नि नगरे के गरून् त ?

मिनेस राजभण्डारी

अगाडि बोल्न नसक्नेहरूले सामाजिक सञ्जालकै सहारा लिन्छन् ।

अरुण अरुण

उनीहरूले उछित्तो काट्ने मा हुन् । यी विचारहरू सामाजिक सञ्जालबाट बाहिर आउन सक्दैनन् अनि गर्न पनि केही गर्दैनन् । 

अरुण चौधरी

काम नपाएर, बेरोजगार भएर । 

बल गिरी

काम नपाएपछि अरू के गर्नु त ? 

गणेश दाहाल

तर्क–वितर्कका क्रममा अनेक धारणा आएर त्यस्तो भएको हो । 

ब्रबिम

धेरैजसो नेपाली बेरोजगार भएकाले । 

अजित लामा

अर्काको उछित्तो काट्दा मज्जा आउने भएर हो कि ? 

लोकेन्द्र कठायत

हातले नभेटेर, डर नलागेर ।

शेषराज भट्टराई

नेपालीहरू बेरोजगार छन् । सानो काम गरे पनि दैनिक १ हजार रुपैयाँ कमाइन्छ, तर उनीहरू गफ गरेरै 

समय बिताउँछन् । 

अमृत महर्जन

नेपालमा काम छैन । त्यसपछि अरू काम नै के छ र ?

डल्ली कान्छी

तर्क त गर्नैपर्छ । विवेकशील त्यसैलाई भनिन्छ अन्यथा मूर्ति भएर बसे भैहाल्यो नि ।

जेपी नेम्बाङ

नराम्रो काम गर्नेलाई गाली गर्नैपर्‍यो नि । 

आरके पुर्बेली

उछित्तो नकाटेर के घाँटी काट्नु त ?

डी चिरञ्जीवी

मानिसहरू बढी फुर्सदिलो भएर । 

पोखरेल सभि

बेरोजगार भएको केही त फाइदा लिनुपर्‍यो नि हजुर । 

शर्मा सुरज

मानिसहरू धेरै फुर्सदिलो भए क्या । 

सुभास राई

आफ्नै उछित्तो काट्ने कुनै महामानव भेटेको छैन मैले । उछित्तो काट्ने भनेकै अर्काको हो ।

विजय सर

उछित्तो काट्ने नै अरूको हो नि । आफूलाई ठूलो बनाउने सजिलो उपाय भनेकै अर्काको आलोचना गर्नु हो ।

निराकार

मानिसहरू आफ्नो उछित्तो काट्न नसकेर अर्काको उछित्तो काट्छन् ।

डियर विद्या

सामाजिक सञ्जाल चलाउन थालेपछि हँसियाले घाँस काट्न बिर्सिए मानिसहरूले । त्यही भएर अरूको उछित्तो काट्छन् । 

मोहन पल

समाज, छरछिमेक होस् वा सामाजिक सन्जाल जहाँ जहिल्यै अरूको उछित्तो काट्ने काम हुन्छ । साँच्ची अचम्म छ है !

सुनिल निरौला

अरूको आङ्गको भुसुना देख्ने तर आफ्नो आङ्गको भैंसी नदेख्ने भएर हो कि !

युनिक अनुपम

सामाजिक सञ्जाल क्रमश : असामाजिक बन्दै गएको छ । प्रयोगकर्ताहरूले आफ्नो दायरा बिर्सन थाले । त्यसैले यस्ता घटना वृद्धि भएका हुन् । 

आशिष

सामाजिक सञ्जालबाट राम्रा काम पनि भएका छन् । यद्यपि राम्रा कुराको प्रचार कमै हुन्छ । नकारात्मक कुरा चाँडै फैलन्छ ।

कल्याणी धिताल

मानिसहरूले आफ्नो मन हलुंगो बनाउन तथा रिस पोख्न सामाजिक सञ्जालमा अर्काको उछित्तो काट्छन् । 

किशोर गौतम

प्रकाशित :श्रावण २३, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्