मोटी महिलालाई नि:शुल्क

- एजेन्सी

श्रावण १०, २०७५

चीनको ताङ सम्राज्यसँग मेल खाने पार्क सञ्चालनमा आएपछि उक्त पार्कमा आउने मोटी महिलालाई केही समयका लागि नि:शुल्क प्रवेशको व्यवस्था मिलाइएको छ । ताङ राजघरानाको आठौं शताब्दीको इतिहासअनुसार याङ गुइफी चीनका चार सुन्दरीमध्ये एक मानिन्छिन् । उनको सौन्दर्यको चर्चा चीनमा अझै पनि हुन्छ । उनी केही मोटी थिइन्, त्यही भएर उनको सम्झनामा खुलेको पार्कमा मोटी महिलाहरूलाई नि:शुल्क प्रवेशको व्यवस्था मिलाइएको हो । 

उक्त छुटको अवसर पाएपछि धेरै मोटा महिलाहरू उक्त पार्कमा पुगेका थिए । पार्कका सञ्चालकहरूले ६१ दशमलव ८ किलोग्रामभन्दा बढी तौल भएका महिलाहरूलाई मात्र नि:शुल्क प्रवेश दिएका थिए । पार्कका सञ्चालकहरूले नि:शुल्क प्रवेश चाहने महिलाहरूलाई प्राचीन शैलीमै तुलामा राखेर उनीहरूको तौल लिन्छ । चीनमा अहिले तौल हेरेर छुट दिने चलन बढ्दै गएको छ । 

केही समयअघि एक रेस्टुराँले मोटो पुरुष तथा उचाइअनुसार कम तौल भएका महिलाहरूलाई नि:शुल्क प्रवेशको व्यवस्था मिलाएको थियो । 

प्रकाशित :श्रावण १०, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्