खुल्यो फारम

- साप्ताहिक संवाददाता

असार १४, २०७५

बिगतका बर्ष जस्तै यसबर्ष पनि दोहोरी क्षेत्रमा लागेका कलाकारहरुलाई लक्षित गर्दै दोहोरी गीतको अवार्ड आयोजना हुने भएको छ । राष्ट्रिय लोक तथा दोहोरीगीत प्रतिष्ठान नेपाल उपत्यका समन्वय समिति, काठमाडौंको आयोजनामा आउँदो असोजमा सम्पन्न हुने यस ‘छैठौं राष्ट्रिय लोक दोहोरी अवार्ड–२०७५’का लागी फारम खुल्ला गरिएको छ । 

राजधानीका बिभिन्न ठाउँमा फारम उपलब्ध गराइने राष्ट्रिय लोक तथा दोहोरीगीत प्रतिष्ठान नेपाल उपत्यका समन्वय समिति, काठमाडौंका अध्यक्ष पिएन सापकोटाले जानकारी दिए । पछिल्लो समय बिभिन्न अवार्डहरुको आयोजना हुँदै गर्दा लोक तथा दोहोरी गीतको बिधामा काम गर्दै आएका कलाकारहरुका लागी यो अवार्ड आयोजना गर्दै आएको अध्यक्ष सापकोटाले बताए । उनले अवार्ड भब्य र सब्य तरिकाले सम्पन्न हुने जानकारी दिए ।  ‘हामीले गतबर्ष पनि निकै सभ्य र भब्य तरिकाले अवार्ड समारोह सम्पन्न गरेका थियौं अहिले पनि त्यसै हुनेछ’, सापकोटाले भने । 

यस्तै प्रमुख अतिथिको रुपमा रहेका राष्ट्रिय लोक तथा दोहोरीगीत प्रतिष्ठान नेपालका केन्द्रिय अध्यक्ष बद्री पंगेनीले अन्य अवार्डमा जस्तो यस अवार्ड किनबेच नहुने जानकारी गराए । ‘अन्य अवार्डमा के हुन्छन् त्यो हामी जान्दैनौं र सरोकार पनि राख्दैनौं तर यो अवार्डमा यदि कसैले पैसा लिएर अवार्ड बेचेको किनेको थाहा पाउनुभएछ भने प्रमाण देखाउनुहोला, अवार्ड नै बहिष्कार गर्नेछौं’, पंगेनीले भने । यस्तै उनले बिगत ६ बर्षदेखी आयोजना हुँदै आएको अवार्ड अहिलेसम्म कुनैपनि बिवादमा नपरेको बताए ।

यस अवार्डमा ५ वटा सम्मानका बिधा सहित २१ बिधालाई समावेश गरिने बताइएको छ । लोक तथा दोहोरीगीतको संरक्षण, सम्बद्र्धन र प्रबद्र्धनको निम्ति अग्रजलाई सम्मान नयाालाई प्रोत्साहन भन्ने नाराको साथमा बिगत २०६९ सालबाट आयोजना हुँदै आएको छ ।

 

प्रकाशित :असार १४, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्