Teej banner

कसको भविष्यवाणी मिल्छ त्यो त हेर्न बाँकी नै छ

- साप्ताहिक संवाददाता

असार ९, २०७५

 

सपना हुनु भनेकै जीवित हुनु हो (युवा मन : सपनालाई पछ्याउँदा) । जीवित मानिसले मात्र सपना देख्छ । आफ्नो लक्ष्य र गन्तव्यसम्म पुग्न सपनालाई पछ्याउनैपर्छ । 

अमित कोइराला

विश्वकप फुटबलले अरू कुरालाई छायाँमा पारेको छ (यात्रा सन्दर्भ : फुटबलको मौसममा पुस्तक) । यसले गर्दा पुस्तक व्यवसायमा पक्कै धेरथोर धक्का दिन्छ नै । पुस्तक प्रदर्शनी तथा पुस्तकका सम्बन्धमा छलफल–बहस हुनु राम्रो हो । 

आनन्द नेपाल

फुटबल प्रशिक्षक राजुकाजी शाक्यको ठम्याइ सही छ (अन्तर्वार्ता : नेपालले विश्वकप फुटबल खेल्न पाउने सम्भावना प्रशस्तै छ) । यो विश्वकपमा जर्मनी, ब्राजिल, अर्जेन्टिना तथा फ्रान्स नै बलिया छन् । शाक्यले भने जस्तै नेपालले विश्वकप खेल्ने दिन छिट्टै आओस् । 

दीपक क्षेत्री

कसको भविष्यवाणी मिल्छ त्यो त हेर्न बाँकी नै छ (नेपाली फुटबल विश्लेषकको भविष्यवाणी) । नेपाली फुटबल विश्लेषकको आँकलन, अनुमान कत्तिको सही होला त्यो प्रतीक्षाकै विषय हो । 

भक्त अधिकारी

धेरै नेपालीहरू त्यही दिनको प्रतीक्षामा छन् (नेपालको विश्वकप छनौट यात्रा) । विश्वकप छनौटको कठिन, जटिल र लामो यात्रा नेपालले सफलतापूर्वक पूरा गरोस् । नेपाली खेलाडी तथा सरकारले यसका लागि दरो तयारी गर्नुपर्छ । 

विष्णु सिंह

उस्तै खालको प्रतियोगिताभन्दा नयाँ खालको प्रतिस्पर्धा गर्न सकिन्थ्यो (देशैभर मिस एसईई प्रतियोगिता) । यस्ता कार्यक्रम विद्यार्थीहरूको क्षमता बढाउन एवं सीप सिकाउनभन्दा व्यापारमा बढी केन्द्रित भएको पाइन्छ । 

आदित्य शर्मा

सम्मानित सबै चलचित्रकर्मीलाई बधाई छ (महिला चलचित्रकर्मी सम्मानित) । सिर्जनात्मक काममा अघि बढ्नुहोस् । तपाईंहरूले गर्ने काममा मौलिक विषयवस्तुलाई प्राथमिकता दिनुहोला । 

नीरज हुमागार्इं

आफ्नो मुल कर्म बाहेक खेलमा पनि चासो राख्ने कलाकारहरूका बारेमा पढ्न पाउँदा खुसी लाग्यो (नेपाली कलाकारमा फुटबल फिभर) । यस्ता कुरामा पनि अपडेट हुनु राम्रो हो । 

बुद्धि कार्की

मौलिक विषयवस्तु तथा नयाँ प्रयोग भएन भने राम्रो परिणाम आउँदैन (समीक्षा : जेठका चलचित्र : सबै फ्लप) । प्रस्तुति, कथा एवं कलाकारहरू पनि नयाँ हुनुपर्छ । 

अनुप पौडेल

विश्वकपको टिकटको मूल्य यति महँगो ? (खेलकुद : विश्वकप टिकटको मूल्य) अझ फाइनल चरणका खेलको टिकट त हामी सर्वसाधारण नेपालीहरूका लागि आकाशकै फल रहेछ । 

आशिष तामाङ

विश्वकप भकुन्डोको कथा रोचक लाग्यो (खेलकुद : विश्वकप भकुन्डोको कथा) । यो लेखमार्फत धेरै नयाँ जानकारी पाइयो । 

सरोज बस्नेत

नेपाली खेलकुदका बारेमा नियमित रूपमा दुई–तीन पेज सामग्री प्रकाशन गर्न अनुरोध गर्छु । 

डल्ली कान्छी

 

प्रकाशित :असार ९, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्