नृत्यबाट अभिनयमा

- साप्ताहिक संवाददाता

जेष्ठ २९, २०७५

सुनिल क्षेत्री कुशल नृत्य कलाकार हुन् । भारतीय रियालिटी शो डिआईडी सिजन–४ को टप टेन भित्र पर्न सफल क्षेत्री नृत्यमा अब्बल भएकै कारण दर्जनौं म्युजिक भिडियोमा मुख्य भूमिकामा प्रस्तुत भैसकेका छन् ।

उनले दर्जनौं भिडियोमा कोरियोग्राफी समेत गरिसकेका छन् । नृत्यमा पारंगत कलाकार क्षेत्री एउटा संगीत तथा नृत्य प्रधान चलचित्रबाट ठूलो पर्दामा पदार्पण गर्दैछन् । प्रदर्शनको तयारीमा रहेको चलचित्र चि मुसी चीमार्फत क्षेत्री अभिनेताका रूपमा दर्शकमाझ आउन लागेका हुन् । चलचित्रको हालै सार्वजनिक एउटा गीतमा क्षेत्रीलाई आकर्षक शैलीमा चित्रण गरिएको छ ।

रमाइलो कुरा के छ भने यही चलचित्रमार्फत अभिनेत्रीका रूपमा पदार्पण गर्ने अलिशा शर्मा पनि कुशल नृत्यांगना हुन् । चलचित्रमा क्षेत्रीले आफ्नो सिक्स प्याक समेत देखाउन भ्याएका छन् भने अलिशाले पनि सारीदेखि बिकिनीसम्मका पहिरनमार्फत आफ्ना सौन्दर्य प्रस्तुत गरेकी छिन् । 

 

प्रकाशित :जेष्ठ २९, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्