बेबी आई लभ यू

- साप्ताहिक संवाददाता

जेष्ठ १८, २०७५

आज शुक्रबारदेखि देशव्यापी रूपमा चलचित्र बेबी आई लभ यू प्रदर्शनमा आउँदैछ । लिची इन्टरटेनमेन्टबाट निर्मित यो चलचित्रको प्रचारप्रसार एक महिनाअघि नै सुरु गरिएको थियो । चलचित्र बेबी आई लभ यू पूर्णरूपमा प्रेमकथामा आधारित छ ।

 शिव न्यौपानेको लगानीमा बनेको यो चलचित्र काठमाडौं का साथै बाहिरका केही जिल्लामा समेत खिचिएको छ । सुरज आचार्यले खिचेको चलचित्र बेबी आई लभ यूमा पछिल्लो पुस्ताको प्रेम र संघर्ष देखाइएको छ । यो चलचित्रमा सन्तोष खड्कीले खुबै मेहनत गरेका छन् भने पुजाको अभिनय हेर्न पनि लायक छ । 

पुराना अभिनेता निर्मल शर्मा, सरोज खनाल आदिको अभिनयसमेत जीवन्त छ । यसअघि सार्वजनिक भएको गित सायद तेरो मेरो तथा कहानी तेरो–मेरोलाई दर्शकले निकै मन पराएका छन् । चलचित्रको गित कान्छी मायालुको कभरसमेत निर्माण भएको छ । यो चलचित्रका अधिकांश कलाकार नयाँ हुन् । 

प्रकाशित :जेष्ठ १८, २०७५