प्राश्नाका १० सूर

  • प्राश्ना शाक्य, गायिका

- अनोज रोक्का

जेष्ठ १०, २०७५

आवाज देऊ

महाराज थापाको शब्द तथा संगीतको यो गीतले मलाई नेपाली सांगीतिक क्षेत्रमा गायिकाको परिचय दियो । 

गाउँले जीवन

निर्णय एनएसकेसँगको सहकार्यमा तयार भएको यो गीत फरक फ्लेवरको छ । कन्सर्टहरूमा दर्शकहरूबाट यो गीतको माग बढी हुन्छ । 

ओइलाएको फूललाई 

चलचित्र बाटोमुनिको फूलको यो गीत निकै मार्मिक छ । यशकुमारको संगीतको यो गीतले चलचित्रको कथा पनि भन्छ । 

मुटु नचिरिदेऊ

सुकबहादुर गुरुङको शब्द तथा सतिस श्रेष्ठको संगीतको यो गीत एक्लै बसेर गुनगुनाउँदा आनन्द महसुस हुन्छ । 

पलपल बिताउन

अराज केशवको शब्द तथा मोहित मुनालको संगीतको फास्ट बिटको यो गीतमा मैले धेरै पटक दर्शकहरूलाई नचाएकी छु । 

ए हावा

यो गीतको मेलोडी बलियो छ । सरिता तुलाधरको शब्द तथा हरि लम्सालको संगीतमा तयार यो गीत गाउँदा आनन्द अनुभव हुन्छ । 

बादल वर्षा बिजुली

सचिन सिंहको संगीतको चलचित्र कर्तव्यको बादल वर्षा बिजुली गीत दर्शकहरूले अत्यधिक रुचाउनुभयो । डान्सिङ बिटको उक्त गीतले मलाई चलचित्रका अन्य गीतमा पनि अवसर दिलायो । 

बिन्ति कोही मेरो खबर 

निलम आङ्बुहाङ राईको शब्द तथा प्रविन बराइलीको संगीतको यो गीतकै कारण मैले दर्शकहरूको अत्यधिक माया पाइरहेकी छु । 

म त सोझी सोझी

लोकलयमा आधारित यो गीतले दर्शकहरूलाई छमछमी नचाउँछ । नरेश भट्टराईको शब्द तथा सुनिल मास्केको संगीतको यो गीत जति सुने पनि मन अघाउँदैन । 

शिरैमा शिरबन्दी

नरेश भट्टराईको शब्द तथा सचिन सिंहको संगीतको यो रमाइलो गीत मेला, कन्सर्ट तथा नाचगानहरूमा बजाइँदै आएको छ । 

 

प्रकाशित :जेष्ठ १०, २०७५

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्