विवाहपछि के हुन्छ थाहा छैन

- साप्ताहिक संवाददाता

फाल्गुन २७, २०७४

 

- अशिष्मा नकर्मी, अभिनेत्री

अचानक विवाह गर्ने योजना कसरी बन्यो ? 

परिवारबाट विवाह गर्नुपर्छ भनिएको त धेरै भैसकेको थियो, मैले नै मानिरहेकी थिइनँ । अहिले आएर साइत जुर्‍यो भन्नुपर्‍यो । 

मागी विवाह नै रोज्नुभएछ नि ? 

हो, मैले विगतदेखि नै मागी विवाह गर्छु भन्दै आएकी थिएँ । मलाई प्रेम विवाहभन्दा मागी विवाहमै विश्वास छ । 

हुनेवाला श्रीमान्का तर्फबाट विवाहको प्रस्ताव आएको हो ? 

उहाँले नै मेरो भाइमार्फत विवाहको प्रस्ताव राख्नुभएको हो । त्यसो त यो विवाहको प्रस्ताव आएको पनि झन्डै ६ महिना भैसकेको थियो । मैले नै अलि पछि गर्ने भन्दै टार्दै आएकी थिएँ । 

अनि कसरी तयार हुनुभयो त ? 

फोनमा एक–दुई पटक कुराकानी भयो । कुराकानी गर्दा राम्रो व्यवहार भएको व्यक्ति हुनुपर्छ जस्तो लाग्यो । त्यसपछि केही दिनअघि मात्र मैले उहाँलाई भेटें । हाम्रो भेटपछि उहाँका आमा–बुवा र मेरा आमा–बुवाबीच पनि भेटघाट भयो । हामी दुवै जना विवाहका लागि तयार भएको बताएपछि हाम्रो परिवारले विवाहको साइत निकाल्यो । यही फागुन २८ गते सोमबार हामी नेवारी परम्पराअनुसार विवाह–बन्धनमा बाँधिदैछौं । 

उहाँ कुन पेसामा हुनुहुन्छ ? 

पेसाले उहाँ चार्टड एकाउन्टेन्ट हो । मध्यबानेश्वरमा बसोबास गर्नुहुन्छ । उहाँको नामचाहिं नवीन प्रधान हो । 

तपाईंहरूबीच कति वर्षको फरक छ ? 

ओहो... मैले त उहाँको उमेर नै सोधेकी छैन । उहाँले पनि मेरो उमेर सोध्नुभएन । अँ.... म मंसिरमा जन्मिएकी हुँ भने उहाँ असारमा । मंसिर र असारमा जन्मिएका केटा–केटीको विवाह राम्रो हुन्छ भन्ने सुनेकी छु । 

विवाहपछि चलचित्रमा सक्रिय हुने कि नहुने ? 

उहाँले त विवाहपछि पनि अभिनय यात्रा जारी राखे हुन्छ भन्नुभएको छ । यद्यपि मैले भने कुनै निर्णय गरिसकेको छैन । 

प्रकाशित :फाल्गुन २७, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्