बलिउड ब्यान्डको नेपाली प्रस्तुती

- साप्ताहिक संवाददाता

फाल्गुन २०, २०७४

बलिउडको चर्चित ब्यान्ड ‘सनम’को कन्सर्ट काठमाडौंमा सम्पन्न भएको छ । युट्युबमा दर्जन बढी बलिउड गीतहरू गाएर चर्चामा आएको यो ब्यान्डले गत साता जाउलाखेल ग्राउन्डमा आफ्नो प्रस्तुति दिएको हो ।कार्यक्रममा भारतीय चर्चित ब्याण्ड ’सनम’ले 1974 AD को ‘परेलीमा’ बोलको नेपाली गीत समेत प्रस्तुत गरेका थिए ।

त्यस्तै सनमसँगै नेपालबाट गायक स्वप्न सुमन, लाहुरे उर्फ आशिष् राणा र नवनिर्मित ब्यान्ड समिश्रणले पनि आफ्नो प्रस्तुति दिएका थिए । ’सनम लाईभ नेपाल’ नामक उक्त कार्यक्रमको आयोजना प्याराडक्स सिटी इन्क कम्पनीले गरेको हो । कार्यक्रममा २ हजार भन्दा बढी दर्शकको उपस्थिति रहेको थियो ।

प्रकाशित :फाल्गुन २०, २०७४