जिग्रीले देश चलाउँछ

  •  कुमार कट्टेल ‘जिग्री ब्रो’

- साप्ताहिक संवाददाता

फाल्गुन १७, २०७४

 

 

रक्षा जिग्री ब्रो र जिग्री ब्रो रक्षा भए के हुन्छ ? 

ब्युटिफूल जिग्री र ह्यान्डसम रक्षा हुन सक्छन् । 

तपाईंको ‘सक्किगो नि त’ ब्रान्ड थेगोमा केपी ओलीले कपी राइट दाबी गरे भने ? 

केपी ओलीले भद्रगोल चलाउनुहुन्छ, जिग्रीले देश चलाउँछ । 

मान्छेको आँखालाई सत्य र मुस्कानलाई झूटसँग किन दाँजिएको ? 

हाँसो नै पासो भएर होला । 

श्रीमती अरूकी राम्री, छोराछोरी आफ्ना राम्रा किन भनिएको होला ? 

वकिलको पेसा चलाउन । 

सूर्य पूर्वमा किन अस्ताउँदैन ? 

सूर्यले दैनिक पश्चिम पुगेर सोलमारीमा टुच्च लगाउनुपर्ने भएकाले । 

तपाईकी प्रेमिका अर्कैसँग डेट गरिरहेकी भेटिइन् भने ? 

तत्काल प्रेमिकालाई त्यो केटासँग भाइटीका लगाउन लगाउँछु । 

ढुङ्गा खोज्दा देउता फेला पार्नुभएको छ ? 

देउता खोज्दाचाहिँ ढुंगा भेटेको छु । 

एक दिनका लागि सुपरम्यान बन्नुभयो भने के गर्नुहुन्छ ?

यो देशको प्रधानमन्त्री धुर्मुस, राष्ट्रपति सुन्तली, गृहमन्त्री रवि लामिछाने, ऊर्जामन्त्री कुलमान घिसिङ, विज्ञानमन्त्री महावीर पुन र स्वास्थ्यमन्त्री डा. गोविन्द केसीलाई बनाइदिन्थे अनि यो देश उहाँहरूकै जिम्मा लगाउँथे । 

 

कन्डमलाई किन गर्भ निरोधक भनिएको होला ? 

होलीमा लोला बनाएर हान्न नमिल्ने भएकाले ।

प्रकाशित :फाल्गुन १७, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्