मधुमेहमा डाक्टरसँग

  •  सुरेन्द्र केसी (मुलाको साग)

- साप्ताहिक संवाददाता

फाल्गुन १७, २०७४

 

यदि तपाईंको घरमा छिमेकीको कुखुराले अण्डा पार्‍यो भने त्यो अण्डा कसको हुन्छ ?

मेरो घरमा पारेपछि सीधै मेरै हुन्छ नि ।

रूखमा चढेका बेला टेकेको हाँगा भाँच्चिएर एउटा हातले झुन्डिनुभएको छ । अर्को हातमा घाउ भएर चलाउनै हुँदैन, त्यही बेला तपाईंलाई कमिलाले टोकेर चिलायो भने ?

प्राण जाला कन्याउँदिनँ, सहेरै बस्छु ।

तेस्रो विश्वयुद्धको कमान्डर तपाईंलाई बनाइयो भने के गर्नुहुन्छ ? 

सीधै युद्धविराम ।

माया र मधुमेहमा के फरक छ ?

मायामा प्रेमिकासँग भेट हुन्छ, मधुमेहमा डाक्टरसँग ।

भीड भएको सार्वजनिक गाडीको अन्तिम सिटमा भएका बेला एक्कासि पखाला लाग्यो भने ?

चिच्याएर गाडी रोक्न लगाउँथे अनि झ्यालबाट निस्किएर कुना खोज्थें ।

मुलामा नभएर सागमा चाहिँ हड्डी पस्यो भने के हुन्छ ?

कहिलेकाहीं कुखुराको मासुमा साग मिसाएर खाने हुँदा खासै फरक पर्दैन । 

मुलाको साग मीठो कि चम्सुरको साग ?

भूटेको मकैसँग मुला, भातसँग चम्सुर ।

बाघले घाँस खान थाल्यो भने के हुन्छ ?

गाई–गोरु छक्क पर्थे ।

सालीलाई भिनाको जुत्ता किन प्यारो लागेको होला ?

दिदीलाई धोका दियो भने त्यही जुत्ताले हानुँला भनेर ।

 

प्रकाशित :फाल्गुन १७, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्