Teej banner

प्रियंकासंग डाक्टर विक्रान्तको रोमान्स

- साप्ताहिक संवाददाता

फाल्गुन १६, २०७४

चिकित्सा पेशामा रहेर पनि सांगीतिक क्षेत्रसंग सक्रिय गायक हुन् विक्रान्त मेहता । पेशाले अर्थोपेडिक सर्जन डाक्टर विक्रान्त मेहता फुसर्दको समयमा सांगीतिक माहौलमा निकै रमाउँछन् । डाक्टरी पेशासँगै गायनमा पनि रुची राख्ने उनी बेला–बेलामा गीतहरु रेकर्डिङ गराइ रहन्छन् ।

 

यसैबीच यो साता उनी आफ्नो नयाँ गीतको म्युजिक भिडियो लिएर दर्शक तथा स्रोतामाझ आएका छन् । ‘तिम्रो आँखा मेरो आँखा‘’ शीर्षकको गीतको म्युजिक भिडियो हालै सार्वजनिक भएको छ ।

 

म्युजिक भिडियोमा गायक मेहताले नायिका प्रियंका कार्कीसँग अनस्क्रिन रोमान्स गरेका छन् । संगीतकार वसन्त सापकोटाद्वारा संगीतबद्ध यो कर्णप्रिय गीतका शब्दहरु गायक विक्रान्त तथा नारायण खनालले संयुक्त रुपमा रचना गरेका हुन् ।

 

अर्जुन अधिकारीको निर्देशन रहेको भिडियोमा उत्सव दाहालको छायांकन ले छायांकन गरेका हुन् । भिडियोमा निशान घिमिरेको सम्पादन छ ।

तिम्रो आँखा मेरो आँखाको म्युजिक भिडियो :

 

प्रकाशित :फाल्गुन १६, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्