गर्मीमा जाडो र जाडोमा गर्मीको सम्झना किन हुन्छ ?

- साप्ताहिक संवाददाता

माघ २१, २०७४

यो भनेको बिहे जस्तै हो...गर्दा नि नगरेको भए हुन्थ्यो जस्तो लाग्ने अनि नगर्दा नि अरूको जोडी देखेर डाहा लाग्ने ।

विनोद पौडेल, अभिनेता

आफूसँग जुन चिज हुँदैन, त्यही नै बढी महत्वपूर्ण लाग्ने भएकाले जाडोमा गर्मी अनि गर्मीमा जाडोको सम्झना गरिन्छ । 

अनिता चलाउने, गायिका

मान्छे जातैले असन्तोषी हुन्छ जे–जस्तो भए पनि नपुग्ने र सन्तोष नलिने । त्यही प्रवृत्तिका कारण मानिसले यस्तो कल्पना गर्छ ।

जनकदिप पराजुली, निर्देशक

मानिस जहिले पनि महत्वाकांक्षी भएर होला, जे छैन त्यो कुरालाई बढी महत्व दिन्छ ।

सुशान्त श्रेष्ठ, निर्माता

नभएको चिजको नै हो सबैभन्दा बढी माया लाग्ने, भएको चिजको महत्व सधैं कमै हुन्छ ।

शान बस्नेत, लेखक

जुन चिज आफ्नो सामु हुँदैन, त्यसकै बढी महत्व हुन्छ ।

ऋषिराज आचार्य, निर्देशक

मानिसको नियति नै हो, आफूसँग जे हुँदैन त्यही नै प्राप्त गर्ने चाहना हुन्छ । चाहे त्यो गर्मी वा जाडोको कुरा होस् अथवा अरू केही कै । 

रोजिना श्रेष्ठ, फेसन डिजाइनर

सम्झना अभावमा आउने न हो, अनि आफ्नो अनुकूल सोच्नु हरेक प्राणीको प्राकृतिक गुण हो ।

राजनराज शिवाकोटी​, संगीतकार/गायक

आफूसँग जे हुँदैन, मानिसलाई त्यही चाहिन्छ । जे आफूसँग हुन्छ त्यसको महत्व हुँदैन ।

ऋचा शर्मा, अभिनेत्री

गर्मीमा चिसो हावाको कमी र जाडोमा न्यानो हावाको कमी हुन्छ, त्यसैले ।

चाँदनी शर्मा, सञ्चारकर्मी

मानवीय स्वभाव हो, जुन चिज हामीसँग हुँदैन हामी त्यही चिजको चाहना राख्छौं अनि सम्झना गर्छौं ।

उत्तम युडी, गायक 

मानिसहरूको सम्झना शक्ति कम भएकाले ।

भरत सिटौला, गायक

मानिस जे छ त्यसमा सन्तुष्ट हुँदैन र जे आफूसँग छैन त्यसकै खोजी गर्छ ।

निकिता आचार्य, भिजे

आफूसँगै हुँदा त्यसको साँचो अर्थ नबुझेर । जुन चिज आफूसँग हुँदैन, त्यसको महत्व बढी हुन्छ । स्वभाबिक हो, गर्मीमा शितलताको र जाडोमा न्यानोपनको अभाव हुन्छ । न्यानोपन र शीतलता मानव शरीरको आवश्यकता हो । यो नियमित प्रक्रिया पनि हो ।

सिर्जु अधिकारी, मोडल, गायिका

मानिसको प्राकृतिक तापक्रम भनेको ९८ डिग्री फरेनहाइट हो, जसले मानिसमा शारीरिक सन्तुलन कायम गरेको हुन्छ । जसबाट मानिसको दैनिकी चलिरहेको हुन्छ । जब आधारभूत तापक्रमभन्दा प्राकृतिक तापक्रम तल पुग्छ, मानिसले जाडो महसुस गर्छ । बढी तापक्रम हुँदा गर्मी महसुस हुन्छ । 

रोमी गिरी, तेक्वान्दो खेलाडी

आफूसँग जुन कुरा हुँदैन, मानिस सधंै त्यसकै लागि लालायित हुन्छ । यो सामान्य मानवीय गुण हो ।

डा.विश्वबन्दु बगाले, बालरोग विशेषज्ञ

जीवित शरीरलाई तातो र चिसो दुवै तापक्रमको आवश्यकता पर्छ । मौसमका कारण कहिलेकाहीँ यी दुवै चिज आवश्यकताभन्दा बढी हुन पुग्छन् । त्यसपछि शरीरले विकल्पको खोजी गर्छ, गर्मीमा जाडोको शीतलता र जाडोमा गर्मीको न्यानोपनको सम्झना गरिने कारण पनि यही हुन सक्छ ।

राजेश थापा, संगीतकार

मान्छेले आफूसँग हुन्जेल कुनै पनि कुराको मूल्य बुझ्दैन, जब त्यो आफूबाट टाढा हुन्छ अनि बल्ल त्यो कुरा मूल्यवान लाग्छ ।

एलीना खड्का, मोडल

प्रकाशित :माघ २१, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्