प्रणय दिवसमा अन्जु पन्त

- साप्ताहिक संवाददाता

माघ १४, २०७४

पछिल्लो समय नेपालमा पनि प्रणय दिवस अर्थात ‘भ्यालेनटाइन–डे’लाई भब्य रुपमा मनाउन थालिएको छ । यो वर्षको प्रणय दिवसमा लोकप्रिय गायिका अन्जु पन्त पनि विशेष रुपमा प्रसतुत हुने भएकी छिन् । उनी प्रणय दिवसमा ‘साया हेल्लो क्याफे’मा रमाउँने छिन् ।

उनीसँगै उनका स्रोताले पनि प्रणय दिवस मनाउने अवसर पाउने छन् । बागबजारस्थित साया हेल्लो क्याफे गजलबारले १४ फेब्रुअरी अर्थात् ‘भ्यालेनटाइन–डे’कै दिन अन्जु पन्तको एकल गायन राखेपछि उनका फ्यान तथा स्रोताका लागि यस्तो अवसर जुरेको हो । 

‘मेलोडी क्वीन अञ्जु पन्त साँझ–२०७४’नाम दिईएको उक्त साँझमा गायिका पन्त निरन्तर रुपमा प्रस्तुत हुने छिन् । यो उनको लामो सांगीतिक करिअरको दोस्रो एकल गायन हो । 

कार्यक्रममा साया हेल्लो क्याफे गजलबारका सञ्चालक रुल्ज गुरुङले अञ्जु पन्तलाई आफ्नो रेष्टुरेण्टमा प्रस्तुत गर्न पाउँदा खुसी लागेको सुनाए ।  

यसअघि साया हेल्लो क्याफेमा चर्चित गायक स्वरुपराज आचार्य, गायिका मिलन अमात्य, प्राश्ना शाक्यजस्ता गायक/गायिका एकल रुपमा प्रस्तुत भैसकेका छन् । प्रत्येक शुक्रबार गायिका प्राश्ना शाक्य लगातार गाउदै आएकी छिन् । 

 

प्रकाशित :माघ १४, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्