२२ देशमा विवाह गर्ने धोको

- एजेन्सी

माघ १०, २०७४

एक समलिंगी जोडीले विश्वमा समलिंगी विवाहलाई मान्यता दिने सबै देशमा पुगेर विवाह गर्ने निर्णय गरेका छन् । ४४ वर्षीया अमेरिकाकी कलाकार फ्लियुर पिरेट्स तथा बेल्जियमकी ३९ वर्षीया जुलियन अहिले लसएन्जल्समा बस्छन् । सन् २०१७ को सेप्टेम्बरमा न्युयोर्कमा विवाह गरेका यी जोडीले समलिंगी विवाहलाई मान्यता दिने २२ वटा मुलुकमा पुगेर विवाह गर्ने घोषणा गरेका थिए । 

विवाह गरेको केही समयमै जुलियन क्यान्सरको अन्तिम अवस्था पुगेको कुरा थाहा भयो । त्यो अवस्थासम्म पुग्दा उनीहरूले फ्रान्समा चौथो पटक विवाह सम्पन्न गरिसकेका थिए । सन् २०११ मा पहिलो पटक भेट भएका यी जोडीको धोकोका अगाडि जुलियनलाई लागेको क्यान्सर प्रमुख बाधक भएको छ । विवाहपछि फ्रान्समा गरिएको परीक्षणमा जुलियनको मस्तिष्क र मुटुमा ट्युमर देखिएको थियो । 

उक्त ट्युमरको फैलावट यति तीव्र रूपमा भैरहेको छ कि जुलियनको स्मरण क्षमता गुम्दै गएको छ भने उनको कम्मरमुनिको भागसमेत चल्न छाडेको छ । अहिले उनीहरूले चाहँदा–चाहँदै पनि आफ्नो विवाह अर्को गन्तव्यमा गएर गर्न सक्ने अवस्था छैन । 

प्रकाशित :माघ १०, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्