Teej banner

तपाईंलाई सबैभन्दा बढी सताउने कुरा के हो ? किन

- साप्ताहिक संवाददाता

माघ ६, २०७४

?

मलाई सबैभन्दा बढी सताउने मेरो आफ्नै रिस हो, किनभने मलाई धेरै रिस उठ्छ । रिसका बेला म कसैलाई पनि चिन्दिनँ अनि मदेखि सबै रिसाउँछन् । 

युरिकराज नेपाली

विदेशी भूमिमा भएकाले परिवार अनि नानीहरूको मायाले सताउँछ । किनभने माया त माया हो नि, न रोएर जान्छ न धोएर ।

कैलाश पर्वत

मलाई मेरो आफ्नै विधाको अस्तव्यस्तता र अस्वस्थ प्रतिस्पर्धाले सताउँछ । भोलि यसको भविष्य के होला भनेर हरपल सताइरहन्छ ।

राजेश थापा

फेसबुकमा अरूले गरेको मेन्सनले सताउँछ । 

प्रवेश थापा

जाडोमा राति सुतेका बेला लाग्ने पिसाबले । एकपटक निद्राबाट ब्युँझिएपछि फेरि निदाउनै गाह्रो ।

सन्तोष सेढाईं

नेताको कामले सताउँछ ।

जीवन आचार्य 

साँझ पर्नै हुन्न, कान्छीको भट्टीको सोलमारी र छोइलाको यादले सताउँछ । सिजनको चिसो कटाउन नभै नहुने रै’छ ।

बाटो बिराएको मान्छे 

कमाए पनि त्यस्तै छ जिन्दगी, नकमाए नि त्यस्तै छ जिन्दगी । मलाई धेरै सताउने भनेको यही कुराले हो । 

गोविन्द धिमाल सोमकुल 

एनटीसीको डाटाले ।

विवेक जिसी

मलाई चिन्ताले सताउँछ ।

राम थापा

बितेका पलहरूले बढी सताउँछन् । 

लक्ष्मण प्रधान

पैसाको कमीले ।

श्रीष राई

स्लो इन्टरनेटले सताउँछ । 

राजु राज

बोलिरहने मान्छे अचानक टाढा हुँदा ।

जनक भट्टराई

जसलाई धेरै मिस गरिन्छ, उसले वास्ता नगर्दा रिस उठ्छ । त्यही कुराले सताउँछ पनि । 

एन्जिला योञ्जन 

टाउको दुखाइले सताउँछ ।

विशाल मरासिनी

धोका दिने मानिसहरूले बढी सताउँछन् । 

रतन डोबल

आमाको यादले बढी सताउँछ । 

अमृता मैनाली पाठक

पैसा र प्रेमले सताउँछ ।

दीप कार्की

कसैसँग बिताएका पलहरूले अनि पश्चाताप पनि हुन्छ । 

डीके एन पीके

मायालुको यादले । किनभने त्यसलाई बन्द गर्ने कुनै अप्सन हुँदैन । यसले दैनिक सताइरहेको हुन्छ ।

कमलेश ठाकुर

जीवन सोचेजस्तो नहुँदा ।

हरि क्षेत्री

उसको मायाले ।

सपना कार्की

मलाई त अहिले ११ को रिजल्टले खुब सताइरहेको छ । खालि आयो–आयो मात्र भन्छन् ।

चस्मे कार्की

पुराना सम्झनाहरूले । सम्झना जति पुराना हुँदै जान्छन् त्यति नै ताजा बन्दै जान्छन् । जति ताजा बन्दै जान्छन् त्यति नै तिनले सताउँदै जान्छन् ।

अञ्जु ढुंगाना

मेरी जीवन संगिनी कस्ती होलिन् भनेर, किनभने म मागी विवाह गर्दैछु ।

देवराज राउत

देशको अस्थिरता अनि सिस्टम देख्दा अत्यास लागेर आउँछ । देशको विकास कसरी होला यो तरिकाले ? उत्पादनको क्षेत्रमा लगानी छैन । पुँजी पलायन छ । युवा शक्ति विदेशमा छ, स्वाभिमान गिर्दाे छ । सताउनलाई यी कुरा पर्याप्त छैनन् र ?

हारेको मान्छे

प्रकाशित :माघ ६, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्