Teej banner

क्रिसमसमा शान्ता क्लजबाट के उपहार चाहनुहुन्छ ?

- साप्ताहिक संवाददाता

पुस ९, २०७४

अहिलेको परिस्थितिमा हाम्रो देशका लागि एउटा उचित, विकासशील र स्थिर सरकारको चाहना छ । शान्ता क्लजसँग म त्यही उपहार माग्छु । स्थिर सरकार नभएसम्म हामी कसैको प्रगति होला जस्तो लागेन ।

संयम पुरी, अभिनेता

काठमाडौंको धूवाँ, धूलो र फोहर सबै पचाउन सक्ने क्षमता भएको एउटा मेसिन ।

दीपक आचार्य, अभिनेता

शान्ति, खुसी, माया, इमान्दारिता र सत्यता ।

हरिशा बानियाँ, अभिनेत्री

स्थिर सरकार र दिगो विकास ।

त्रिलोक राना, गायक

म शान्तालाई तपाइँसँग गिफ्ट पाउने व्यक्तिको मुहारको खुसी हेर्न 

चाहन्छु भन्थे ।

सौरगंगा दर्शनधारी, चित्रकार

मागेर पनि के उपहार लिनु ? तैपनि प्याज सार्‍है महँगो छ, बूढी सधैं एक पाउ प्याज लिएर आउनु भनेर कराउँछिन्, त्यसैले एक बोरा प्याज नै माग्थें । 

घनश्याम गौतम, नक्कली प्रचण्ड

म त आफूलाई मन परेकी केटीको फोन नम्बर माग्थें । 

विल्सनविक्रम राई, हास्य अभिनेता

अहिलेलाई चाहिँ हामीले बनाएको चलचित्र हैरान सुपरडुपर हिट होस् भनेर माग्थें ।

गम्भीर विष्ट, कोरियोग्राफर

देशमा सुख–शान्ति होस्, काम गर्ने वातावरण बनोस् ।

भगवती खड्का युनिका, महिला रेसलर

दामी कलरबक्स ।

उपकार घमाल, चित्रकार

एउटा यस्तो साँचो माग्छु जसलाई खोल्नेबित्तिकै काठमाडौं सहर सफा सुन्दर र हराभरा होस् जहाँ सुख शान्ति होस गरिबी हटोस्, शान्तिको सास फेर्न सकियोस् ।

सिर्जु बराल, मोडल

अचेल मनमा अशान्ति फैलिएको छ, त्यसलाई शान्त बनाइदिनु भनेर माग्थे ।

नरेन खड्का, अभिनेता

डुकाडी मोन्स्टर, मोडल नम्बर ८२१ ।

जेम्स प्रधान, संगीतकार/गायक

नेपालमा स्थिर सरकार माग्थें ।

चेतन सापकोटा, संगीतकार 

मैले बनाएको चलचित्र तिमीसँग मन पराएर हलिउडको कुनै निर्माताले त्यसको अधिकार मागोस् र त्यसलाई अंग्रेजीमा मेरै निर्देशनमा बनाओस् भनेर माग्थे ।

शिशिर राणा, निर्देशक

पाँच वर्षीय स्थिर सरकार ।

श्यामप्रसाद पौडेल, समाजसेवी

मेकअपका अत्याधुनिक सामाग्रीहरूका साथ राम्रो मेकअप गर्न सक्ने ज्ञान माग्थे ।

अमृत मरहट्टा, मेकअप आर्टिष्ट

सबैलाई सुख–शान्ति प्राप्त होस् ।

जेनी राणा, मोडल

साँच्चै, को हो शान्ता क्लज ?

सुशील पोखरेल, चलचित्र निर्माता

 

प्रकाशित :पुस ९, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्