२५ वर्ष पछि लुट्यो भिमसेनको ज्यान

- साप्ताहिक संवाददाता

पुस ४, २०७४

 

गायक भिमसेन टी लामा आफ्नै गीतको रिमेक भर्सन लिएर बजारमा आएका छन् । २५ वर्ष अघि ‘मुसुक्क हासी दिदा ज्यानै लुट्यो...’ बोलको गीत गाएका लामाले सोही गीतको रिमेक भर्सन यसै साता सार्वजनिक गरेका हुन् । 

विश्व बल्लभको शब्द तथा शम्भुजित बास्कोटाको सङ्गीत रहेका उक्त गीतको रिमेक भर्सन सार्वजनिक गर्दै गायक लामाले अब भने सांगीतिक क्षेत्रमा निरन्तरता दिने बताए । २५ वर्ष सम्म आफू चलचित्र क्षेत्रमा ब्यस्त भएकाले गीतसंगीतबाट पर रहेको उनको भनाई थियो । 

कुनै समय निक्कै चर्चामा रहेको यो गीतको रिमेक भिडियोमा श्याम पाण्डे र विनिता वलीलाई फिचरिङ गरिएको छ जसलाई संजय पाण्डेले निर्देशन गरेका छन् । विनोद तामाङको कोरियोग्राफर रहेको गीतको भिडियोलाई क्षितिज महर्जनले छायाँकन गरेका हुन् । 

प्रकाशित :पुस ४, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्