चिसो छल्ने उत्तम उपाय के होला ?

- साप्ताहिक संवाददाता

मंसिर १७, २०७४-

न्यानो लुगा लाउने अनि खसीको खुट्टाको सुप पिउने । 

नरेशदेव पन्त, गीतकार/निर्माता

चिसो छल्ने उत्तम उपाय भनेकै चिसोबाट बच्ने हो । चिसो मौसममा तातो सुप, कफी आदि पिउने, शरीरको तापक्रम वृद्धि गर्ने खानपान अपनाउने र तातो पहिरन पहिरिने । दुईपांग्रे सवारी साधन प्रयोग गर्नेले चेष्टगार्डको प्रयोग गर्ने । निजी सवारी साधन वा सार्वजनिक सवारी साधन प्रयोग गर्नेले पनि न्यानो लुगा लगाउने । चिसोमा न्यानो जीवनयापन, सुरक्षित जीवन ।

विदुर गिरी, पत्रकार

न्यानो कपडा लगाउनु, चिसो लाग्ने खानेकुरा नखाने । यस्तै त हो नि । 

ओमलाल अकेला, फोटोग्राफर

चिसो छल्ने तीन उपाय : 

१. उलन र भेल्भेटका बाक्ला कपडा लगाउने, पन्जा, टोपी र मोजा लगाउने । 

२. तातो पानी, चियाकफी खाइरहने, आफ्नो शरीरलाई तातो र न्यानो हुने खानेकुरामा ध्यान दिने । 

३. चिसोमा धेरै नहिँड्ने, चिसो पानी धेरै प्रयोग नगर्ने, चिसो खाने कुराहरू नखाने । 

अनुष्का पाठक, गायिका

अदुवा र मरीच हालेको तात्तातो चिया पिउने ।

मिलन श्रेष्ठ, चलचित्र सम्पादक

बिहान तातो चियाको चु्स्की, बेलुका सिंगल माल्ट ह्विस्की ।

पावेल उदास, अभिनेता

चिया पिउनु तातो हुन्छ । 

कृति खरेल, मोडल

सिम्पल छ त, न्यानो लुगा लगाउने ।

प्रवीण श्रेष्ठ, निर्देशक/सम्पादक

तातो खाना, न्यानो लुगा ।

कुशल पाण्डे, अभिनेता

बिहान राम, दिउँसो घाम, राति हनी विद रम । 

डिजे नोक्स

सकारात्मक र सिर्जनात्मक काममा सधैं व्यस्त रहे, जाडो मात्र होइन, सबै समस्यालाई छल्न सकिन्छ ।

आरके सुवेदी, पत्रकार

चिसोबाट बच्न तातो काम, तातो कुरा भए पुग्छ ।

अनुराग कुँवर, अभिनेता/व्यवसायी

न्यानो कपडा लगाउने, एक पेग दबाउने, खसीको खुट्टाको सुप सुरुप्प पार्ने अनि .........आफै बुझ्नुस् । 

दीपक अधिकारी, अभिनेता

न्यानो कपडा लगाउने, दिनमा एकपटक तात्तातो खसीको हड्डीको सुप पिउने । त्यसले पनि भएन भने सुत्ने बेला एक पेग रममा मह मिसाएर घुटुक्क पार्ने । लास्टमा सिरकभित्र गुटुमुटु भएर मंकी टोपी लगाएर सुत्ने । 

हिमाल सागर, गायक

बाक्लो कपडा लगाउने, तातो पानी पिउने अनि चिसो ठाउँमा नबस्ने ।

हरिशा बानियाँ, अभिनेत्री

पसिना आउने गरी जिम वा व्यायाम गर्ने ।

नवीन लम्साल, अभिनेता

बिहान र दिउँसो त चियाको चुस्कीले पुग्छ, साँझचाहिँ टुच्च दिनुपर्छ ।

बनिश शाह, चलचित्र सम्पादक

दराज रित्तिने गरी टम्म लुगा लगाउने ।

लव कार्की, टेलिभिजनकर्मी

ग्वाम्म सिरक ओढेर सुत्ने ।

ज्ञानेन्द देउजा, निर्देशक

दिलमे गम, गिलास मे रम दारु हो तुम्हारी और पिलाएँ हम । 

जित राघव, अभिनेता/व्यवसायी

तातो कपडा लाउने, शरीर तात्ने खानाहरू खाने, बिहान वा बेलुकी एक घण्टा शरीर तात्ने व्यायाम गर्ने । काम नपरी बिहान वा राति घरबाट बाहिर ननिस्कने । 

बाबु बोगटी, गायक/अभिनेता

रुई, फुई र दुई ।

सुवास थापा, चलचित्र निर्माता

दिउसो ११ देखि १२ बजेसम्मको एक घण्टा घाममा मज्जाले बस्ने । सकिन्छ भने चिया वा कफी पिउँदै ।

जेबिका कार्की, अभिनेत्री

 

प्रकाशित :मंसिर १७, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्