बलिउड अभिनेता नील नितिन काठमाडौंमा

- साप्ताहिक संवाददाता

मंसिर १५, २०७४-

कलालाई कुनै पनि देशको भूगोलले छेक्न सक्दैन् । त्यसैले पनि अन्र्तराष्ट्रिय चलचित्र र कलाकार नेपाली दर्शकका पनि उत्तिकै प्रिय छन् । त्यहि लोकप्रियताको जगमा टेकेर बलिउडका कलाकारहरुको नेपाल आउँने जाने क्रम चलिरहन्छ ।

केहि समयअघि बलिउड ब्याड ब्वाई गुलसन ग्रोबर काठमाडौं आएका थिए । उनी चलचित्र सुटिङका लागि काठमाडौं आएका कुरा उनकै मिल्ने साथी मनिषा कोइरालाले खुलासा गरेकी थिइन् । 

दबंग ब्वाई सलमान खान पनि काठमाडौं आउँने चर्चा चलिरहदा अभिनेता नील नीतिन मुकेश भने भोलि काठमाडौं ओर्लदै छन् । उनले न्युर्योक, जेल, सात खुन माफ, प्लेयर्स, प्रेम रतन धन पायो, गोलमाल अगेन लगायतका चलचित्रमा अभिनय गरेका छन् ।  

नील नीतिनलाई डिजे ब्याटलका लागि निम्त्याइएको इभेन्ट नेपालका इभेन्ट म्यानेजर हीरामणी तिमल्सिनाले बताए । 

नेपालमै पहिलो पटक हुन लागेको डिजे ब्याटलमा नेपाल र भारतका पाँच–पाँच डिजेहरुले प्रतिस्पर्धा गर्नेछन् । क्रिएटो एटुजेटले आयोजना गर्ने बेटल अफ डिजे एपिसोड: केटिएम भर्सेस गोवामा गायक लाउरेसहितको टोली निर्णयकको रुपमा रहनेछ । 

 

प्रकाशित :मंसिर १५, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्