मोदीमा कायाकिङ प्रतियोगिता

- साप्ताहिक संवाददाता

मंसिर १५, २०७४-

कास्कीको मोदी नदीमा साहसिक खेलसँगै पर्यटन प्रवद्र्धन गर्ने उद्देश्यले कायाकिङ प्रतियोगिता हुने भएको छ । कास्कीको विरेठाँटीस्थित मोदी नदीमा करिब ३ सय मिटर लम्बाइमा उक्त प्रतियोगिता हुन लागेको हो ।

नेपाल कायक एन्ड क्यानोन क्लब र विरेठाँटी क्यानोनिङको संयुक्त आयोजनामा मंसिर १५ देखि १७ गतेसम्म हुने उक्त प्रतियोगितामा देश तथा विदेशका करिब ४० खेलाडीले सहभागी जनाउने बताइएको छ ।

प्रतियोगितामा सहभागी खेलाडीहरूले पार गर्ने समयका आधारमा विजेता घोषणा गरिनेछ । प्रतियोगितामा प्रथम हुनेले ५० हजार रुपैयाँ, दोस्रो हुनेले ३० हजार रुपैयाँ र तेस्रो हुनेले २० हजार रुपैयाँ पुरस्कार प्राप्त गर्ने जनाइएको छ । 

 

प्रकाशित :मंसिर १५, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्