जेनी मानन्धरलाई लिटिल नेवा: को उपाधि

- साप्ताहिक संवाददाता

कार्तिक २७, २०७४- 

भक्तपुरकी १३ वर्षीया जेनी मानन्धरले मिस लिटिल नेवा: २०१७ को उपाधि जितेकी छिन् । सुन्धारास्थित आर्मी अफिसर्स क्लबमा शनिवार सम्पन्न प्रतियोगितामा ३० जना प्रतिस्पर्धिहरुलाई निराश बनाउँदै जेनीले नगद दश हजार तथा आकर्षक क्राउन जित्न सफल भएकी हुन् ।

नेप्लीज फेसन होमले आयोजना गरेको ११ औं संस्करणको मिस लिटिल नेवा: मा ३१ जना बालिका तथा किशोरीहरुले प्रतिस्पर्धा गरेका थिए । प्रतियोगितामा भक्तपुरकै रोजा प्रजापतिले फस्र्ट रनर्स अपको उपाधि जित्न सफल भइन् भने लगन, काठमाडौंकी शियोन डंगोलले सेकेण्ड रनर्स अपको उपाधि जितिन् ।

नेवार समुदाय ९ देखि १३ वर्ष उमेर समुहका बालिका तथा किशोरीहरुले प्रतिस्पर्धा गरेको उक्त प्रतियोगितामा अधिकांश सहभागिले नेवार भाषामै आफ्नो परिचय दिँदै निर्णायकले सोधेका प्रश्नहरुको प्रभावकारी जवाफ दिएका थिए । नेपा डान्स एकेडेमीका कलाकारहरुको आकर्षक नृत्य प्रस्तुतीसहितको उक्त प्रतियोगितामा शिजल महर्जनले मिस ट्यालेन्टको उपाधि जित्न सफल भइन् ।

प्रतियोगिताका अन्य उपाधितर्फ रिधाना श्रेष्ठले सोसल वेलफेयर एम्बेसडर, आइशा श्रेष्ठले बेस्ट ड्रेस, श्रीजिका श्रेष्ठले मिस डिसिप्लिन, सगुन श्रेष्ठले बेस्ट स्किन, स्नेहा ताम्राकार बेस्ट हेयर, पूर्बा प्रधानले मिस चार्मिङ, शिल्पी बज्राचार्यले बेस्ट स्माइल, रुनिषा पुजारीले मिस क्युट, ओशिन महर्जनले मिस फोटोजेनिक तथा स्मृति खड्गीले मिस फ्रेण्डशीपको उपाधि जित्न सफल भए ।

प्रतियोगिताको क्रममा प्रतिस्पर्धिहरुले डिजाइनरद्वय प्रज्वल श्रेष्ठ तथा सरिता महर्जनले तयार पारेका पहिरन प्रदर्शन गरेका थिए ।

प्रतियोगितमा पूर्व मिस नेवा:हरु एलिशा बज्राचार्य, सुदिना श्रेष्ठ, इशु श्रेष्ठ, सौन्दर्यकर्मी सुष्मा महरा, गायक निर्णय श्रेष्ठ, प्रदीपमान प्रधान तथा त्रिलोचन श्रेष्ठ, निर्णायकको रुपमा रहेका थिए ।

 

प्रकाशित :कार्तिक २७, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्