पहिलो फाइभ जी स्मार्टफोन

- साप्ताहिक संवाददाता

कार्तिक १९, २०७४-

संसारकै पहिलो फाइभ जी स्मार्टफोनको तस्बिर सार्वजनिक भएको छ । ट्वीटर युजर शेरिफ हान्नाले आफ्नो ट्वीटर एकाउन्टमार्फत फाइभ जी स्मार्टफोनको तस्बिर सेयर गरेका हुन् । उनी चिपसेट निर्माता कम्पनी क्वालकममा एलटीई तथा फाइभ जी एनआरमा बजार प्रमुखको पदमा छन् । शेरिफले लेखेका छन्, ‘मेरो हातमा संसारकै पहिलो फाइभ जी स्मार्टफोन छ भन्ने कुरा विश्वास गर्न मलाई मुस्किल भैरहेको छ ।’

यसबाट क्वालकमले फाइभ जी स्मार्टफोन निर्माण गरेको अनुमान गरिएको छ । चिपसेट निर्माता कम्पनी क्वालकम तथा अन्य विभिन्न कम्पनीहरूले फाइभ जी प्रविधिमा कार्य गरिरहेका छन् । हालै जर्मनीको बर्लिनमा युरोपकै सर्वाधिक ठूलो टेलिकम कम्पनी डोएच टेलिकमले पनि फाइभ जी एन्टेना सार्वजनिक गरेको छ । कम्पनीले सन् २०२० सम्म यसलाई विश्व बजारमा उतारिसक्ने बताएको छ ।  

 

प्रकाशित :कार्तिक १९, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्