देउसी–भैलोमै रमाइलो हुन्छ

  • झरना थापा, अभिनेत्री

- साप्ताहिक संवाददाता

कार्तिक १, २०७४-

 

दसैं र तिहारबीच छ महिनाको अन्तर भयो भने ? 

सानैदेखि दसैं र तिहार सँग–सँगै मनाउँदै आएकाले सुरु–सुरुमा त नराम्रो लाग्ला नि, बिस्तारै बानी पार्दै गएपछि सामान्य होला । 

तास खेल्दा हारेको हार्‍यै गर्नुभयो भने के होला ? 

म चाडवाडमा रमाइलोका लागि मात्र तास खेल्छु । परिवार तथा साथीभाइहरूसँग मात्र खेल्दा हार–जितभन्दा पनि रमाइलो महत्वपूर्ण कुरा हुन्छ । 

भाइटीकाको दिन दाजु–भाइबाट कुनै पनि उपहार पाउनु भएन भने ?

तिहारमा भाइटीका लगाइ दिँदा म उपहारको आशा गर्दिन । मेरो विचारमा भाइटीका लगाइ दिइरहन पाउनु नै ठूलो कुरा हो, उपहार दिन तिहार नै कुर्नु पर्छ र ? 

राति १२ बजेसम्म पनि देउसी–भैलो खेल्नेहरू आउन छाडेनन् भने ? 

तिहार देउसी–भैलीले नै रमाइलो हुने हो, मलाई त मेरो घरमा देउसी–भैलो खेल्न आउँदा निक्कै खुसी र रमाइलो लाग्छ । 

सेलरोटी पकाउँदा गोलो भएन भने ? 

मलाई राम्रोसँग सेल पकाउन आउँछ, तै पनि आफूले पकाएको सेल गोलो भएन भने त टेन्सन नै हुन्छ नि । 

लक्ष्मीपूजा रमाइलो कि भाइटीका ?

लक्ष्मीपूजा र भाइटीका मात्र होइन, मलाई तिहारका पाँचै दिन उत्तिकै रमाइलो लाग्छन् । लक्ष्मीपूजा र भाइटीका चाहिं सबैभन्दा रमाइलो लाग्ने दिन हुन् । 

भैलो खेल्दा सबैभन्दा कम कति पाउनुभएको छ ? 

सानोमा देउसी–भैलो खेलियो, नाचियो । समूहमा नाचगान सहित भैलो खेलेकाले होला व्यक्तिगत पैसा पाएको कुरा सम्झना छैन । 

 

प्रकाशित :कार्तिक १, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्