सम्झनामा दसैं

  • कविता

- हिक्मत थापा

आश्विन १४, २०७४

 

 

अलिकति सम्झनामा आयो

अघि–अघि पर्गलो

पछि–पछि

भाकलका राँगा–बोकाहरू

र, एक थान ट्याम्को बजाइरहेका दमाई दाइ

अनि केटा–केटीको हुल ।

हाम्रो घर छेउको कालिका मन्दिर

राँगा काट्ने युवाहरूको तम्सातम्सी

र, पालैपालो काटिने

बलिसँगको उमंग

रातभर रन्किने देउडाका

कर्णप्रिय स्वरहरू ।

यतिखेर मेरो गाउँमा

के सुनिँदै होलान् ?

वा इतिहास भए,

पुदाल बाजेका मन्त्रोचारण

मेहरसिंह आबाको बाजाको

उही आदिम रन्को

राँगा काट्न लड्दै भिड्ने

मेरो साथी ललितको स्वर

र, हाम्रा घरमा पाक्दै गरेका

बाबरको मिठो बासना ।

                                                                 (११ अक्टोबर २०१६, नाइजेरिया)

प्रकाशित :आश्विन १४, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्