नेपाली बजारमा महँगा रक्सी

- साप्ताहिक संवाददाता

आश्विन १२, २०७४

ड्रिङ्क्स्का सौखिनहरू विभिन्न स्वादका रक्सी खोज्दै हिँड्छन् । अझ चाडपर्वमा त धेरैले यसलाई आफ्नो प्राथमिकतामै राखेका हुन्छन् । ड्रिङ्क्स्का पारखीहरूलाई ध्यानमा राख्दै नेपाली बजारमा विभिन्न प्रकारका स्वदेशी तथा विदेशी ब्रान्डका रक्सी उपलब्ध छन् । रोचक त के भने नेपाली बजारमा ४ लाख ८० हजार रुपैयाँप्रति बोतल पर्ने फ्रान्सेली कम्पनीको क्यामुस– ५.१५० रक्सीसमेत उपलब्ध छ । महँगा विदेशी रक्सीका वितरकहरूसँगको कुराकानीका आधारमा साप्ताहिकले नेपालमा उपलब्ध केही महँगा रक्सीको सूची तयार गरेको छ ।  

रेमी मार्टिन 

एलएक्सआइआइ कोफ्रिट 

फ्रान्सको यो रक्सी प्रतिबोतलको मूल्य (नेपाली बजारमा) ३ लाख ८८ हजार रुपैयाँ छ । रेमी मार्टिन १ सय ३५ वर्ष पुरानो रक्सी हो । 

 

इस्ले अफ स्काइप 

बीएसडब्लू उडन बक्स 

इस्ले अफ स्काइप बीएसडब्लू उडन बक्स ५० वर्ष पुरानो रक्सी हो । स्कटल्यान्डको यो रक्सीको नेपाली बजार मूल्य १ लाख ६० हजार रुपैयाँ प्रतिबोतल छ । 

चिफटिन्स सिंगल माल्ट

प्रतिबोतल २ लाख ४० हजार रुपैयाँ पर्ने यो रक्सी स्कटल्यान्डमा बनेको हो । यो ४० वर्ष पुरानो रक्सी भएको बताइन्छ । 

तालिस्केर 

स्कटल्यान्डको ३० वर्ष पुरानो यो रक्सीको एक बोतलका लागि नेपालमा ९० हजार रुपैयाँ खर्च गर्नुपर्छ । 

क्यामुस– १९७० 

४० देखि ५० वर्ष पुरानो यो फ्रान्सेली रक्सीको एक बोतलको नेपाली बजार मूल्य ४८ हजार रुपैयाँ छ । 

क्यामुसएक्स्ट्रा 

४५ वर्ष पुरानो यो रक्सी पनि नेपाली बजारमा खरिद गर्न सकिन्छ । फ्रान्सेली कम्पनीको यो रक्सीको नेपाली बजार मूल्य ३८ हजार रुपैयाँ प्रतिबोतल छ । 

क्यामुस फ्यामिली

फ्रान्सेली कम्पनीको यो रक्सी ४० वर्ष पुरानो हो । नेपाली बजारमा यसको एक बोतलको मूल्य ९८ हजार रुपैयाँ पर्छ । 

बढी चलेका विदेशी रक्सी 

(सबै मूल्य प्रतिबोतलमा)

१. ग्लेनगोइन वर्नफुट सिंगल माल्ट 

मूल्य : ८ हजार ८ सय रुपैयाँ

२. ग्लेनगोइन सिंगल हाइल्यान्ड माल्ट (१७ वर्ष पुरानो )

मूल्य : ८ हजार ५ सय रुपैयाँ

३. ग्लेन फिडिच माल्ट (१२ वर्ष पुरानो )

मूल्य : ७ हजार रुपैयाँ 

४. डबल ब्ल्याक लेबल

मूल्य : ६ हजार ४ सय ९ रुपैयाँ 

५. सिभाज रिगल

मूल्य : ५ हजार ८ सय रुपैयाँ 

६. ग्लेनगोइन हाइल्यान्ड सिंगल माल्ट (१० वर्ष पुरानो)

मूल्य : ५ हजार ४ सय ८० रुपैयाँ

७. रेड लेबल

मूल्य : ४ हजार ५ सय रुपैयाँ 

८. फेमस ग्राउस

मूल्य : ४ हजार ४ सय रुपैयाँ 

९. भ्याट–६९ 

मूल्य : ४ हजार रुपैयाँ 

१०. किङ रोबर्ट 

मूल्य : ३ हजार ८ सय रुपैयाँ 

ग्लेनकादम 

स्कटल्यान्डमा बनेको यो रक्सीको नेपाली बजार मूल्य ६६ हजार रुपैयाँ छ । यो ३० वर्ष पुरानो रक्सी हो । 

बाल भेनी 

३० वर्ष पुरानो यो रक्सीको एक बोतलको मूल्य ९६ हजार रुपैयाँ छ । यो पनि स्कटल्यान्डको रक्सी हो ।

क्यामुस– ५.१५०

फ्रान्सेली कम्पनीको यो एक बोतल रक्सी नेपाली बजारमा ४ लाख ८० हजार रुपैयाँमा खरिद गर्न सकिन्छ । यो दुई सय वर्ष पुरानो रक्सी हो ।

 

प्रकाशित :आश्विन १२, २०७४