हङकङमा पाँचौ ‘रन वे फेसन’ शो

- अनोज रोक्का

भाद्र २२, २०७४

सेन्स अफ क्लिकको आयोजनामा पाँचौ रन वे फेसन शो सम्पन्न भएको छ । हङ्कङस्थित ‘लाईची कोक डिटु प्लाजा’को भब्य हलमा सम्पन्न फेशन शोमा दुई दर्जन बढि मोडलहरुले ईथ्निक वेयरहरु प्रर्दशन गरेका थिए । 

ईन्डिया, सिंगापुर लगायतबाट फेसन डिजाईनरहरुको सहभागीता रहेको कार्यक्रममा नेपालबाट चर्चित डिजाईनरहरु तेन्जिङ छितेङ् भुटिया, अन्ती गुरुङ्, सिवाङी प्रधानको सहभागीता थियो । फेशन शोमा सेन्स अफ क्लिकको आफ्नै प्रडक्सनका साथै साम साम बुटिक हङ्कङ र डिजे बुटिकका डिजाईनहरु प्रस्तुत गरिएको थियो । 

सेन्स अफ क्लिकले हरेक बर्ष रन वे फेसन शो को आयोजना गरिरहेको छ । नेपाली डिजाईन र कलालाई अन्तराष्ट्रियरुपमा प्रमोट र अवसरका लागि कार्यक्रमको आयोजना गरिएको क्लिकका सञ्चालक पवन सुब्बा बताउछन् । 

प्रकाशित :भाद्र २२, २०७४