नबोल्ने व्यक्ति ग्याङमा हुँदा रिस उठ्छ

- साप्ताहिक संवाददाता

भाद्र १, २०७४

 

सन् २०११ मै मिस परीको उपाधि जितेर मोडलिङमा होमिएकी हिमानी सुब्बा यतिबेला कोरियोग्राफरका रूपमा सक्रिय छिन् । वर्षमा एक दर्जनभन्दा बढि सौन्दर्य प्रतियोगिताको कोरियोग्राफी गरिरहेकी हिमानी कुनै बेला हाम्रो नेपाल शीर्षकको टेलिभिजन कार्यक्रम पनि सञ्चालन गर्थिन् । देउरालीको दुई थुंगा फूलसहित आधादर्जन नाटकमा अभिनय गरिसकेकी हिमानी निकट भविष्यमै चलचित्र अभिनेत्रीका रूपमा समेत देखा पर्दै छिन् । हिमानीसंग गरिएको ग्याङ वार्ता :  

 

तपाईंको ग्याङमा अहिले को–को छन् ? 

अहिले हाम्रो ग्याङमा झन्डै आधादर्जन साथी छौं । सञ्चारकर्मी तथा मोडल कला सुब्बा, इभेन्ट म्यानेजर कमल खतिवडा, मेकअप आर्टिस्ट सुधा गुरुङ, मिसेज मंगोल–२०१६ सोनाम राई मेरो ग्याङका सक्रिय सदस्य हुन् । 

ग्याङका सदस्यहरू तपाईंसँग कसरी नजिक भए ? 

कला सुब्बा मेरो आदर्श हुनुहुन्छ । कमल खतिवडा मेरो इभेन्ट पार्टनर हुनुहुन्छ । फोटोसेसन गर्ने क्रममा म मेकअप आर्टिस्ट सुधा गुरुङसँग नजिक भएँ । सोनाम राई चाहिँ एउटा सौन्दर्य प्रतियोगिताको विजेताका रूपमा हामीसँग नजिक हुनुभयो । 

 

ग्याङका सदस्यहरूसँग कुनै कुरामा असमझदारी पनि हुन्छ कि ? 

असमझदारी मात्र होइन, कहिलेकाहिं त राम्रै मनमुटाव समेत हुन्छ । कार्यक्रमका क्रममा कमल 

सरसँग असमझदारी भैरहन्छ । कला सुब्बा चाहिँ बढी व्यस्त भएकाले हाम्रो ग्याङको नियमित भेटघाटमा 

छुट्नु हुन्छ । 

पुरानो ग्याङ कस्तो थियो ? 

कलेज पढ्दा मेरो बेग्लै ग्याङ थियो । मोडलिङमा संघर्ष गर्दा अहिलेकी अभिनेत्री एनी कुँवरसँग राम्रै ग्याङ बनेको थियो । त्यसबाहेक मोडलद्वय नेहा पोखरेल तथा रमिला पोखरेल पनि मेरो पुरानो ग्याङमा हुनुहुन्थ्यो । 

 

ग्याङमा हुनै पर्ने तर छुटेको कोही छ ? 

अभिनेत्री एनी गुरुङलाई म जहिले पनि मिस गरिरहेकी हुन्छु । उनी आफ्नो काममा व्यस्त भएकाले अहिलेको मेरो ग्याङमा आवद्ध हुन सक्नुभएको छैन । 

अहिलेको ग्याङमा अलि रिस उठ्दो साथी ? 

कमलजी चाहिनेभन्दा बढी रिजर्भ हुनुहुन्छ । म बोलिरहनु पर्ने भएकाले नबोल्ने व्यक्ति ग्याङमा भएपछि रिस चाहिँ उठिहाल्दो रहेछ । 

हालै ग्याङमा सामेल कुनै सेलिब्रेटी महिला ?

मिसेज मंगोल–२०१७ की विजेता मेलिना मोक्तान तथा मिसेज हिमालयनकी विजेता अम्बिका तिमिल्सिना हाम्रो ग्याङ्मा आबद्ध हुने तयारी गर्दै हुनुहुन्छ ।  

प्रकाशित :भाद्र १, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्