आदिवासी जनजाति चलचित्र महोत्सवको आयोजना हुने

- साप्ताहिक संवाददाता

असार १३, २०७४- 

आदिवासी जनजाति चलचित्र महासंघको आयोजनामा यही असार १७ देखि १९ गते सम्म भृकुटी मण्डपस्थित नेपाल पर्यटन बोर्डमा तीन दिने आदिवासी जनजाति चलचित्र महोत्सव आयोजना हुने भएको छ । 

आदिवासी जनजाति चलचित्र महोत्सव बारे जानकारी दिन आयोजित पत्रकार सम्मेलनमा तीन दिने महोत्सवमा विभिन्न आदिवासी समुदायको १८ वटा फिचर, वृत्तचित्र र चलचित्र प्रदर्शन गरिने कुरा आयोजकले जनाएका छन् । महोत्सवमा गुरुङ समुदायबाट ५, राई, मगर र नेवारबाट २/२ वटा र माझी, मुगाल, राजवंशी, नागा, लिम्बु, थारु र तामाङ समुदायबाट १/१ वटा चलचित्र प्रदर्शन गर्न लागिएको हो । महोत्सवमा प्रदर्शन गरीने चलचित्र मध्ये एउटालाई २५ हजार रुपैंया राशि सहित पब्लिक च्वाइस अवार्ड प्रदान गरीने र महोत्सवमा प्रदर्शन गरीएका अन्य सबै चलचित्रहरुलाई प्रोत्साहन पुरस्कार स्वरुप ५ हजार नगद प्रदान गरीने महासंघले जनाएको छ ।

पत्रकार सम्मेलनमा आदिवासी जनजाति चलचित्र महासंघका अध्यक्ष अमृत सुनुवारले नीतिगत समस्याको मारमा परेर आदिवासी जनजाति चलचित्रको विकास हुन नसकिरहेको बताउनु भयो । सुनुवारले राज्यको चलचित्र सम्बन्धि नीति आदिवासी जनजाति अनुकुल नभएको अवस्थामा आफुहरुले छुट्टै आदिवासी जनजाति चलचित्र सेन्सर बोर्डको माग गर्दै आएको पनि जानकारी दिनुभयो । महोत्सवका संयोजक युवराज मास्कीले जनजाति चलचित्रको विकास, संरक्षण र सम्वद्र्धनका लागी महासंघ मार्फत आफुहरुले गर्दै आएको संघर्षकै निरन्तरता स्वरुप चलचित्र महोत्सव आयोजना गर्न लागेको बताउनुभयो ।

प्रकाशित :असार १३, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्