‘कमलेको बिहे’को फर्स्टलुक सार्वजनिक

- साप्ताहिक संवाददाता

जेष्ठ ५, २०७४- 

अनुपविक्रम शाही तथा सन्ध्या केसी स्टारर फिल्म ‘कमलेको बिहे’को फर्स्टलुक सार्वजनिक भएको छ । बिहिबार राजधानीमा आयोजित एक कार्यक्रमका बीच निर्माण टिमले फिल्मको पोस्टर तथा गीत रिलिज गर्यो । कार्यक्रममा मिडियाकर्मीमाझ फिल्मको ट्रेलर पनि देखाईएको छ । तर युट्युवमा भने ट्रेलर जेठ १५ मा मात्र आउनेछ । नामले नै कमेडी बोल्ने फिल्ममा कमलेको भुमिकामा अनुपविक्रम प्रस्तुत छन् भने सन्ध्या चमेलीको भुमिकामा छिन् ।

 

कार्यक्रममा बोल्दै निर्देशन प्रसन्न पौड्यालले नेपाली समाजमा चल्दै आएको मागी विवाह र प्रेम विवाहबीचको द्वन्द्वको कथा नै फिल्मको सार रहेको बोले । पछिल्लो पुस्ताका युवा युवतीले आफु खुसी जीवनसाथी खोज्ने क्रम बढ्दो हुादा परिवारबाट त्यसमा उत्पन्न हुने बाधा व्यवधानको प्रभाव फिल्मले बोल्नेछ । निर्देशकको यति कुरा बाहिर आउँदै गर्दा फिल्मको ट्रेलर तथा गीतले प्रश्न छाडेको छ कि, कमलेले चमेलीलाई भगाउन सक्यो कि सकेन् ?

 

यसअघि अनमोल केसी स्टारर फिल्म ‘ड्रिम्स’मा केमियो रोलमा देखिएकी अभिनेत्री सन्ध्याले ’कमलेको बिहे’लाई डेब्यू फिल्म बोलिन् । ‘ड्रिम्स’मा म केमियो भुमिकामा थिए, यो फिल्म मेरो करियरको लागी डेब्यू हो सन्ध्याले थपिन, ‘फिल्मले अनुभव धेरै दियो, राम्रो टिमसँग काम गर्न पाएँ त्यसको नतिजा पनि राम्रो निस्केको छ हलमा आउँदा दर्शकको आँखा घुम्न दिने छैनौं ।’ अभिनेता अनुप भने कार्यक्रममा कारणबस अनुपस्थित रहे ।

 

फिल्मलाई अनुभवी छायांकार विदुर पाण्डेले खिचेका हुन् । पाण्डेको हातबाट आधा दर्जन बढि फिल्महरु क्यामेरा कैद भइसकेका छन् । महेश दवाडीको कथा, पटकथा तथा संवाद समावेश ‘कमलेको बिहे’मा अनुप र सन्ध्यासँगै  विनोद न्यौपाने, इशान ढकाल, दिपक पहाडी, रेशु तामाङ, कुलद्विप अधिकारी र लिरण लाकौल लिड अभिनयमा छन् । सरिता मुभिज क्रियशनको व्यानरमा बनेको फिल्ममा सरिता लामाको लगानी छ भने कार्यकारी निर्मातामा दिपक विष्ट ‘गौली’ रहँदा लगानीमा साझेदारी प्रतिक तामाङ, सुनिल विष्ट र मिलन लामाले गरेका छन् ।

 

राजनराज शिवाकोटी, शिखर सन्तोष र वावुल गिरीको संगीत रहेको फिल्ममा समावेश गीतमा शिवाकोटीसँगै  माण्डवी त्रिपाठी, युवराज चौलागाईं, समिर आचार्य र अरुणदेव यादवको स्वर छ । सम्राट वस्नेतको द्वन्द्व निर्देशन रहादा नृत्य निर्देशन दिपकमान सिंहले गरेका छन् । तारा थापा ‘किम्भे’ फिल्मका सम्पादक हुन् । दिनेश प्रकाश महरा प्रोडक्सन डिजाईनर रहेको फिल्ममा प्रोडक्सन व्यवस्थापनको काम प्रकाश हमालले गरेका छन् । फिल्मको आधिकारिक रिलिज मिति तय नभएपनि निर्माण टिमले श्रावणमा रिलिज गर्ने बताएको छ । ट्रेलर रिलिजसागै फिल्मको रिलिज मिति पनि सार्वजनिक हुने निर्देशक पौड्यालले बताए । यसैबीच फिल्म ‘कमलेको बिहे’मा समावेश ‘टाकन टुकुन’ बोलको गीत युट्युव रिलिज गरिएको छ । सार्वजनिक गीतमा माण्डवी त्रिपाठी र राजनराज शिवाकोटीको स्वर छ शब्द संगीत पनि शिवाकोटीकै हो।

ट्रेलर :

प्रकाशित :जेष्ठ ५, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्