रात बेच्न रोक्यौ किन ?

- डा. दिनेश धरेल

वैशाख ३०, २०७४- 

डुबाएर मेरो धन्दा मुटुभित्रै टोक्यौ किन 

उज्यालो त कहाँ बिक्छ रात बेच्न रोक्यौ किन ?

 

मात लाग्थ्यो जिन्दगीको मैनबत्ती जलेसरि

देश गुना भेष हुन्छ सदाचार खोक्यौ किन ?

 

पर्खिरा’थें मलाई बोक्ने हिम्मतिलो काँध यहाँ    

जोरी खोज्दै फेरि आज गोर्खेलौरी ठोक्यौ किन ?

 

दलाली चै नभन है अड्डा, छापा किनेको छु

अँध्यारोको सिन्डिकेटमा मूल्य आफैं तोक्यौ किन 

 

गाह्रो भयो बाँच्न अब लुटको राज सकिएछ 

‘कुलमान’ सधैं तिम्ले इमान यो बोक्यौ किन ?

त्रिपुरासुन्दरी गाउँपालिका– ७, धादिङ 

प्रकाशित :वैशाख ३०, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्