मेरा लागि प्रत्येक दिन नयाँ वर्ष

- साप्ताहिक संवाददाता

वैशाख ३, २०७४- 

नयाँ वर्षको पहिलो दिनदेखि धेरैले चुरोट छोड्नेछन्, २ अथवा ३ गतेदेखि फेरि त्यसलाई निरन्तरता दिनेछन् । 

निशांक रानाभाट

प्रत्येक महिना पात्रो पल्टाइन्छ अनि वैशाख १ गते पूरै पात्रो झिकेर फालिन्छ, त्यति हो नयाँ वर्ष भनेको । 

अमृत

नयाँ वर्षको दिन जे काम गर्‍यो, वर्षभरि त्यही गरिन्छ रे, भनेपछि मेरो साथीको वैशाख १ गते विवाह भो, अब उसको वर्षभरि विवाह हुने भयो— हैट †

देवता

राजा सलहेशको बगैंचामा फुल्ने अर्किडजस्तै भैसकेछ जिन्दगी...साला वैशाख १ गते धूमधामले फुल्छ, मज्जा लाग्छ । फेरि अर्को दिन ओइलाई हाल्छ । 

पंकज कुमार 

करिब १२ वर्ष पहिलेको नयाँ वर्ष भैंसी गोठालो गएर थालनी गरिया थ्यो दूध खान, आजसम्म टुटेको छैन। 

जुनकीरी 

वैशाख १ कति गते पर्छ हँ ? 

विन लादेन 

ए बौलाहा पाजी–पजिनी हो, पहिचान जोगाओ । नेपाली न्यू इयर त वैशाख १ गते हो । 

सोनुकुमार शाह 

सरकारी नियम कानुन पनि न्यू इयर रिजोल्यूसन जस्ता । पहिला बनाम्, त्यसपछि हेरम्ला । 

आनन्द नेपाल

नयाँ वर्ष लागे नि, नलागे नि, आफूमा भने नयाँपन आउनुपर्छ । र, त यो जीवन जिउन सजिलो छ, नत्र एकदम सारो । 

सर्टिफाइड गोर्खे 

उमंग उही, वेदना दु:ख उही, पात्रो उही काम– नाम उही, मेहनत उही दाम उही, इमान उही पहिचान उही । न विस्मात छ न कुनै हर्ष, अनि आज के को नयाँ वर्ष ? 

विक्रम कोइराला

नयाँ वर्ष दुई चोटि मनाउनेले आफ्नो उमेर दुई–दुई वर्ष जोडून् न । के होला हालत ? त्यसैले आफ्नो चाडपर्व र संस्कृतिलाई सम्मान गरौं । 

अरुण भट्टराई

हाम्रो नयाँ वर्ष वसन्ती वहारबाट प्रारम्भ हुन्छ, ठिहिर्‍याउने जाडोबाट होइन । एक वर्षमा पटक–पटक नयाँ वर्ष आउँदैन । तिरंगी र फिरंगीहरूदेखि सावधान । 

मनोज भण्डारी

मन पुरानै, तन पुरानै, सम्बन्ध पुरानै, साथी नयाँ–पुराना सबैलाई ह्दयभरिको शुभकामना नयाँ वर्षको । 

स्नेह सायमी 

हामी सबैलाई कथा मन पर्छ । चाहे त्यो काल्पनिक होस् अथवा सत्य कथा । अरूले लेखेको होस् अथवा आफैंले लेखेको । नयाँ वर्ष सबैको कथा बनोस्, त्यो पनि अविस्मरणीय कथा । 

निमेष पौडेल

दिन, महिना, वर्ष बित्छ । पात्रो फेरिन्छ । घट्छ आयु, हुन्छ मृत्यु, कात्रो बेरिन्छ— सबैलाई नयाँ वर्षको शुभकामना । 

मञ्जरी

नयाँ वर्ष हो कि नयाँ विमार उफ....।

अनु खनाल

ओठमा नओइलाउने मुस्कान लिएर, अवसरहरूको खुड्किला चढ्दै सबैका पाइलाहरू सफलताको शिखरमा पुगून्— नयाँ वर्षको न्यानो शुभकामना । 

बिम्मी शर्मा 

नयाँ दिन तर उही काम । नयाँ वर्ष तर उही दाम । 

गिरिराज गौतम

आशा साह्रै सुन्दर शब्द हो, साह्रै–साह्रै नै । नयाँ वर्ष हाम्रा सबै आशा शुभ बन्ने कामना । 

नारायण वाग्ले 

विगत ८/१० वर्ष यता १९/२० पटक मैले गरेको वाचा— अंग्रेजी नयाँ वर्ष त यस्तै भो, नेपाली नयाँ वर्षबाट त पक्का सुध्रन्छु– यो तालले भएन । 

शिशिर अधिकारी 

वर्षमा दुई पटक नयाँ वर्ष मनाइन्छ । उसको मन भने एकपटक नि नफर्कने ? 

माया गुरुङ

मेरा लागि प्रत्येक दिन नयाँ वर्ष, नयाँ दिन, नयाँ काम, नयाँ उत्साह, नयाँ उमंग, शुभदिन, शुभ पल । 

सबु रेग्मी

नेपाल सम्भवत: धेरै चाडपर्व, उत्सव र नयाँ वर्ष मनाउने देशमा पर्छ । 

युवा क्याफे 

कसैले कति वर्षको भइस् भने भने कति भन्नु ? ३ सय ६५ दिनमा दुई–तीन पटक नयाँ वर्ष आउँछ । 

प्रकाश

नयाँ–नयाँ वर्ष आइरहे, जिन्दगी उस्तै नै रह्यो । गाउँ फेरें, नाम फेरें, कर्म भने फेरिन । अभागीलाई जति ठाउँ सरे पनि सुख छैन । 

करुण थापा

राजनीतिक बेथितिले थिचेको, नाकाबन्दीले थलिएको, भूकम्पले ढलेको मेरो देश जुन दिन उठ्नेछ, त्यही दिन मेरा लागि दसैं, तिहार, लोसार, छठ तथा नयाँ वर्ष उत्सव हुनेछ । 

मोहित जोशी 

व्यापारीलाई व्यापार गर्न र पार्टी गर्नेलाई पिउने बहानाका लागि एउटा न एउटा चाड आइरहन्छ...आज नयाँ वर्ष रे । 

सन्तोष थापा मगर 

साल फेरियो तर जिन्दगीको छाल उस्तै, यादमा धड्किरहने मुटुको चाल उस्तै । नयाँ वर्ष त नयाँ बहार लिएर आउनुपर्ने, तर मेरो आँखाको आँसुको ताल उस्तै । 

अशोकराज श्रेष्ठ

पात्रो हेर्नुपर्‍यो, वैशाख महिनामा ३१ गते छ कि छैन ? लौ नयाँ पात्रो नै रहनेछ । पात्रोमा बरु गते थपौं तर १९ वर्षपछिको निर्वाचन सफल पारौं । 

मिलन पाण्डे

प्रकाशित :वैशाख ३, २०७४

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्