वर्ष २०७३ मा तपाईंले के गल्ती गर्नुभयो ?

- साप्ताहिक संवाददाता

चैत्र ३०, २०७३- 

मानिस हुँ, गल्ती त भैहाल्छ नि । ०७३ मा गरेका गल्ती ०७४ मा सुधार्छु भने ०७४ मा गर्ने गल्ती ०७५ मा सुधार्छु ।

प्रमोद अग्रहरी, अभिनेता

तपाईंलाई यो प्रश्नको उत्तर नदिनु पो गल्ती होला जस्तो छ ।

अमरदीप सापकोटा, निर्देशक

जानाजान कसैले गल्ती गर्दैन, जसले गर्छ उ जिम्मेवार नागरिक होइन ।

सागरराज, म्युजिक भिडियो निर्देशक

व्यस्तताले गर्दा एक–दुईवटा चलचित्रको कलर ग्रेडिङमा समय दिन भ्याइन् जसको परिणाम सोचे जस्तो भएन ।

रामेश्वर कार्की, चलचित्र छायाँकार

साथीभाइहरूसँग मज्जाले समय बिताउन पाइएन, त्यही हो मेरो गल्ती ।

अर्जुन तिवारी, छायाँकार

संगीत क्षेत्र र संगीतकर्मीहरूका बारेमा सोच्दा–सोच्दै आफु र आफ्नो पारिवारिक व्यवस्थापन कमजोर भए छ ।

लक्ष्मण शेष, अध्यक्ष, संगीतकार संघ

धेरै गल्तीमध्ये एउटा गल्ती, ०७३ का लागि मनग्गे प्रयास गर्दा–गर्दै पनि आफ्नो कम्पनीबाट निर्माण भएको चलचित्र प्रदर्शन गर्न सकिन ।

सन्तोष सेन, निर्माता

दुई चलचित्र एकसाथ बनाउने प्रयास अहिले आएर गल्ती झैं लागिरहेको छ ।

अनु शाह, निर्मात्री

हरेक वर्ष होइन, हरेक पल जानेर वा अञ्जानमा गल्तीहरू हुन्छन् । ०७३ मा मलाई माया गर्नेहरूको चित्त अलि बढी नै दुखाएँ कि ?

राजबल्लभ कोइराला, अभिनेता

तपाईंसँग बसेर चिया पिउन पाइएन, अब ०७४ मा है ?

सुशील पोखरेल, निर्माता

फेसबुक कम चलाउन खोजे, तर सकिन ।

केकी अधिकारी, अभिनेत्री

अव्यवस्थाहरूका बीच चलचित्र बनाउने गल्ती गरेँ र पछुताएँ ।

चेतन सापकोटा, निर्माता/संगीतकार

त्यही गल्ती यो वर्ष पनि दोहोरियो, मानिसमा बढी विश्वास गरियो ।

भरत सिटौला, गायक

व्यायाम गर्ने समय मिलाउन सकिन । विभिन्न स्थान घुम्ने रहर पनि पूरा भएन ।

रोशन प्रसाइँ, विज्ञापन व्यवसायी

एउटा मात्र नाटक खेलियो ।

भोलाराज सापकोटा, रंगकर्मी

मैले गल्ती नै गरेकी छैन ।

वर्षा राउत, अभिनेत्री

कति गरेँ होला, बिर्सिसकेँ ।

मञ्चिन शाक्य, अभिनेता

जिम जान छाडे, ठूलो गल्ती त्यही हो ।

गृहेन्द्र घिमिरे, व्यवसायी

खासै गल्ती त गरिएन, तै पनि जति समयको सदूपयोग गर्नु पर्ने थियो, त्यति गर्न सकिनँ । महत्वपूर्ण केही दिन बिना उपलब्धि खेर फालियो ।

राज तिमिल्सिना, अभिनेता

जति गल्ती गरेँ, त्यसलाई मैले बिर्सिसकेँ । गल्तीलाई सम्झनामा नराख्नु नै गल्ती हो भने के भन्नु ?

वर्षा बस्नेत, सञ्चारकर्मी

आफ्नी गर्लफ्रेण्डलाई सम्हाल्न सकिन, उनी अर्कैसँग गइन् ,हा.. हा.. हा.. ।

अनुज कार्की, इभेन्ट व्यवस्थापक

०७४ आउन अझैं बाँकी छ, त्यसैले अझै एउटा ठूलो गल्ती गर्न बाँकी छ ।

गम्भीर विष्ट, नृत्य निर्देशक

अरूको कुरा सुनेर गलत निर्णय लिएँ की ?

नम्रता योगी, अभिनेत्री

०७३ सकिन बाँकी नै छ । एउटा गल्ती गर्छु अनि भन्छु है ?

अर्जुन पोखरेल, संगीतकार

०७३ पछि ०७४ पनि आउँछ भनेर समयलाई चिन्न नसक्नु ।

तुलसी पराजुली, गायक

जे भयो भइगयो, अब के सम्झनु ? अर्को साल दोहोर्‍याउँदिन ।

नबल नेपाल, निर्देशक

मैले त केही गल्ती गरेँ जस्तो लाग्दैन । केही व्यक्तिले भने मलाई नचिनेर ठूलै गल्ती गरे ।

निर्मल शर्मा, अभिनेता/निर्देशक

मौखिक रुपमा भनेको भरमा अनुबन्धपत्र साइन नगरी केही निर्माता–निर्देशकलाई विश्वास गर्नु ।

कमलमणि नेपाल, अभिनेता

गलत व्यक्तिलाई चिन्न सकिन भने रिस पनि नियन्त्रणमा रहेन !

एनी कुँवर, अभिनेत्री

प्रकाशित :चैत्र ३०, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्