प्रेमगीत–२ को शीर्षक गीत सार्वजनिक

- साप्ताहिक संवाददाता

चैत्र ३०, २०७३-

 
चलचित्र ‘प्रेमगीत–२’ ले शीर्ष गीत कहानी यो प्रेमगीतको’ सार्वजनिक भएको छ । नया वर्षको पूर्वसन्ध्यामा सार्वजनिक गरिएको यो  गीतमा श्रेया सोताङ तथा रोहित जोन क्षेत्रीको स्वर छ । 

रक ब्याण्ड १९७४ एडीका लिड भोकलिस्ट समेत रहेका क्षेत्रीको यो पहिलो पाश्र्वगायन हो । अमृत मरहठ्ठाद्धारा लिखित शब्दमा प्रेमको मीठास महसुस गर्न सकिन्छ । कल्याण सिंहद्धारा संगीतबद्ध गीतमा अभिनेत्री अश्लेषा ठकुरी तथा अभिनेता प्रदीप खड्काले अभिनय गरेका छन् ।  थाइल्यान्डको मनोरम समुन्द्री तट, गुफा, तलैया र नदीलाई आकर्षक रुपमा गीतमा प्रस्तुत गरिएको छ ।

पुरुषोत्तम प्रधानद्वारा छयांकन गरिएको यो चलचित्रमा नेपाल र म्यानमारका दुई पात्रबीचको प्रेम, संघर्ष चित्रण गरिएको छ । 

साउन १३ गतेदेखि प्रदर्शन हुने यो चलचित्रलाई रमशरण पाठकले निर्देशन गरेका हुन् । ‘आशुसेन प्रोडक्सन’को ब्यानरमा सन्तोष सेनले यसलाई निर्माण गरेका हुन् । 

प्रेमगीत–२ को शीर्ष गीत

प्रकाशित :चैत्र ३०, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्